გურჯაანის მუნიციპალიტეტის სოფელ ვაზისუბანში საზარელი მკვლელობა მოხდა- 55 წლამდე კაცმა  ცოლი და მეზობელი მოკლა, ძოლისძმა და კიდევ ერთი მეზობელი დაჭრა. მათი მდგომარეობა უკიდურესად მძიმეა. ისინი გურჯაანის „ჯეოჰოსპიტალში“ გაიდაიყვანეს და სსაწრაფო ოპერაცია უტარდებათ.

დევნისა და ძებნის მეცხრე დღე-32 წლის ბადრი ესებუას სამართალდამცველები სამეგრელოს რამდენიმე სოფელში ისევ აქტიურად ეძებენ. ოჯახის მოლოდინის მიუხედავად, ბადრი ესებუა გუშინ სახლში არ დაბრუნებულა და ოჯახის იმედი არ გამართლდა. 

ჩაღლარის საგანმანათლებლო ქსელის რუსთავის შოთა რუსთაველის სახელობის სკოლა-ლიცეუმის ავტორიზაციის საკითხი ჯერ კიდევ პასუხგაუცემელია, სკოლის ადმინისტრაციამ ამჯერად სარჩელი უკვე სასამართლოში შეიტანა, პირველად მათ ავტორიზაციის საბჭოს გადაწყვეტილება განათლების სამინისტროს სააპელაციო საბჭოში გაასაჩივრეს, თუმცა უშედეგოდ.

საქართველოში კორონავირუსით ინფიცირებულთა რაოდენობა 1 824-ით გაიზრადა, გარდაცვლილთა ყოველდღიურ სტატისტიკაში კი ნახტომისებური ზრდა დაფიქსირდა. სამშაბათის მონაცემებით, კორონავირუსით საქართველოში 23 ადამიანი გარდაიცვალა. რა გახდა გარდაცვალების შემთხვევების მკვეთრი ზრდის მიზეზი და ეს ხომ არ ნიშნავს, რომ ჯანდაცვის სისტემა უკვე კრიტიკულ ზღვარზეა და ექიმები ვეღარ ახერხებენ ყველა მძიმე პაციენტს მიაქციონ სათანადო ყურადღება? ინფექციონისტი ირაკლი ხმალაძე „რეზონანსთან" საუბარში აცხადებს, რომ საქართველოში, სხვა ქვეყნებთან შედარებით, გარდაცვლილთა ძალიან დაბალი დინამიკაა და გარდაცვლილებს ძირითადად თანმდევი დაავადებები ჰქონდათ.

ყარაბაღში მიმდინარე ომმა უკვე აჩვენა, რომ ზოგადად ომზე აქამდე არსებული შეხედულებები გარკვეულწილად მოძველებულია. წინა პლანზე გამოვიდა ახალი ტექნოლოგიები და ზეზუსტი იარაღი. სამხედრო ექსპერტთა ნაწილი იმასაც ვარაუდობს, რომ ეს შესაძლოა კლასიკური ტანკებისა და საბრძოლო თვითმფრინავების ერის დასასრულის დასაწყისი იყოს.

ხობის მუნიციპალიტეტის სოფელ ხეთაში მამაკაცი მისივე ნათესავებმა სასტიკად სცემეს, რის შემდეგაც ის გარდაიცვალა. ადგილობრივები „რეზონანსს“ უყვებიან, რომ მამაკაცი ნათესავებმა, რომლებიც ასევე მეზობლებიც არიან, მცირეწლოვანი შვილების თანდასწრებით სასტიკად სცემეს. მათ დავა მიწების გამო ჰქონდათ და ამ თემაზე კონფლიქტი არაერთხელ მოსვლიათ. 

კრიმინალური გარჩევა თუ შურისძიება - რა გახდა 42 წლის, ვალერიან ნემსიწვერიძის მკვლელობის მიზეზი, რომელიც შაბათს შუადღისას საკუთარ ავტომობილში ჩაცხრილეს, მოტივი ამ დრომდე უცნობია. ასევე პოლიციას არ ჰყავს ჯერჯერობით იდენტიფიცირებული პირი, რომელმაც ეს დანშაული ჩაიდინა და ადგილიდან მიიმალა. „რეზონანსის“ ინფორმაციით, თავდამსხმელი ერთი პირი იყო და ის შესაძლოა ფეხით გადაადგილდებოდა. მან ადგილიდან მიმალვა სირბილით შეეძლო. 

ავჭალაში, მანქანაში ჩაცხრილული მამაკაცი, ვალერიან ნემსიწვერიძე, როგორც აღმოჩნდა 2004 წელს დეპუტატის მკვლელობის ორგანიზებაში იყო ბრალდებული. ნემსიწვერიძეს 2004 წლის 13 მაისს პარლამენტის ყოფილ დეპუტატზე, კახა გიუშვილზე თავდასხმის დაკვეთას აბრალებდნენ. მას დანაშაულის გამო 16 წლით პატიმრობა მიუსაჯეს, თუმცა 2013 წელს ამნისტიით გათავისუფლდა.

დღეს აქტიური კოვიდპაციენტების დაახლოებით მეოთხედი ჰოსპიტლებში, ხოლო დანარჩენი, რომლებსაც ვირუსი მსუბუქ, ან უსიმპტომო ფორმებში აქვს, ბინაზე ან კოვიდსასტუმროებში გადიან მკურნალობას. რა უნდა გაითვალისწინოს იმ პაციენტმა, რომელიც მკურნალობას სპეციალურ სამედიცინო დაწესებულებაში არ გადის და რა შემთხვევაში უნდა იქნას გადაყვანილი ბინიდან სტაციონარში?

საზარელი მკვლელობა მარტყოფში - ახალგაზრდებს შორის სისხლიანი დაპირისპირება მკვლელობით დასრულდა.  ადგილობრივები „რეზონანსთან“ ყვებიან, რომ  ახალგაზრდების 2 ჯგუფი ერთმანეთს სოფლის ცენტრში დაუპირისპირდა. ამის შემდეგ კი საქმის გარჩევა სოფლის სასაფლაოზე გააგრძელეს. კონფლიქტის მიზეზი სავარაუდოდ,  ძველი უთანხმოება გახდა და დაპირისპირებას 19  წლის ბიჭის სიცოცხლე შეეწირა, რომელიც გაშველების დროს გულის არეში ცივი იარაღით დაჭრეს. 

ლაგოდეხის მუნიციპალიტეტის სოფელ უზუნთალაში ორსული ქალი დაჭრეს. როგორც ქალის ახლობელი „რეზონანსთან“ ყვება, დაჭრის მიზეზი ძარცვა გახდა. ახალგაზრდა ქალმა ეზოში ხმაური გაიგო, რის შემდეგაც გარეთ გასულს ნიღბიანი პირები დახვდა. სახლის დიასახლისმა ერთ-ერთი მძარცველისთვის ნიღანის მოხსნა სცადა, რის შემდეგაც მან ქალს ცივი იარაღით დაზიანება მიაყენა.