ადამიანის ცხოვრების ერთ-ერთი ყველაზე მნიშვნელოვანი პერიოდი ბავშვობაა. სწორედ ამ პერიოდში ხდება მისი პიროვნული და ინტელექტუალური ჩამოყალიბება. ამ დროს მიღებული შთაბეჭდილებები და განცდები მომავალში ზრდასრულის ფსიქოლოგიურ თუ ინტელექტუალურ მდგომარეობაზე დიდ გავლენას ახდენს.

იმისათვის, რომ ბავშვს თავიდანვე შეუყვარდეს შემეცნებითი აქტივობები და სწავლა სასიამოვნო პროცესად აღიქვას საჭიროა გონებრივი სავარჯიშოებით “დავტვირთოთ”. თუმცა ამას არ უნდა ჰქონდეს ძალდატანებითი ხასიათი. დასაწყისისთვის იდეალური არჩევანი იქნება შეარჩიეთ სათამაშოები სპეციალურად ბავშვებისთვის, რომელიც პატარას განვითარებას შეუწყობს ხელს.

როგორი ტიპის სათამაშოები უნდა შევარჩიოთ?

კარგი იქნება, თქვენს პატარას თავდაპირველად ფანტაზიის გაფართოებაში თუ დაეხმარებით, მაგ: ასაწყობი სასახლეები, სპორტული მანქანები, კონსტრუქტორი სათამაშო, დისტანციური მართვის სათამაშოები და ა.შ. იმის გარდა, რომ ამ ნივთებთან ინტერაქციით ბავშვის ფანტაზიის უნარი გაუმჯობესდება, მას ასაწყობი სათამაშოებით ანალიტიკური უნარებიც გამოუმუშავდება. რეალურად, თამაშის პროცესი ამ 2 დიდი უნარის სინთეზს მოიცავს.

და მაინც როგორ უნდა შევარჩიოთ ბავშვისთვის სათამაშო სწორად? 

პირველ რიგში, გაითვალისწინეთ ბავშვის ასაკი. თითოეულ ასაკობრივ ჯგუფს სხვადასხვა ტიპის სათამაშო სჭირდება. მაგალითად, ერთი წლის ბავშვს სჭირდება რბილი, მსუბუქი, ხმაურიანი სათამაშოები, ხოლო ხუთი წლის ბავშვი უკვე მზად არის რთული კონსტრუქტორებისა და საგანმანათლებლო თამაშებისთვის.

მეორე მნიშვნელოვანი ასპექტია ბავშვის ინდივიდუალური უნარები და ინტერესები. თითოეულ ბავშვს აქვს უნიკალური პიროვნული თავისებურებები. ზოგი უფრო მეტად არის მიდრეკილი ტექნიკისკენ, ზოგი - შემოქმედებითი საქმიანობისკენ. დააკვირდით, თუ რა იწვევს მის ინტერესს, რა სახის აქტივობებით ტკბება და შესაბამისად შეარჩიეთ სათამაშო.

დამატებითი კრიტიკული ფაქტორია უსაფრთხოება. სათამაშო აუცილებლად უნდა იყოს სერტიფიცირებული, დამზადებული ხარისხიანი და უვნებელი მასალებისგან. იმისათვის, რომ აიცილოთ შესაძლო რისკები, თავიდანვე გადაამოწმეთ სათამაშოების (განსაკუთრებით, კონსტრუქტორების) დეტალების ზომა.

სათამაშოს შერჩევისას გაითვალისწინეთ მისი განმავითარებელი პოტენციალი. კარგი სათამაშო არ მხოლოდ ართობს, არამედ ასტიმულირებს ბავშვის კოგნიტურ, სოციალურ და ფიზიკურ უნარებს. პაზლები აუმჯობესებს სივრცით აზროვნებას, კონსტრუქტორები - ლოგიკას, სოციალური თამაშები - კომუნიკაციის უნარებს.

დაბოლოს, იყავით ჩართული. არ არის საკმარისი მხოლოდ სათამაშოს შეძენა. მნიშვნელოვანია თქვენი აქტიური მონაწილეობა - ითამაშეთ ერთად, დაეხმარეთ და იყავით მის გვერდით. სწორედ ასე იქცევა სათამაშო ნამდვილ საგანმანათლებლო ინსტრუმენტად.