სასტიკი მკვლელობა მარნეულში-23 წლის მამაკაცს ყელი გამოჭრეს. ახალგაზრდას ცხედარი სოფლის გზაზე მომხდარიდან რამდენიმე საათში იპოვეს. მას დანით რამდენიმე ჭრილობა ჰქონდა მიყენებული. ამ შემზარავი დანაშაულის ბრალდებით კი  მისი მამიდაშვილი  დააკავეს. ერთ-ერთი ვერსიით ნათესავებს შორის ჩხუბი სუფრაზე დაიწყო, რომელიც მკვლელობით დასრულდა. 

31 წლის მამაკაცს 15 წლამდე პატიმრობა ემუქრება. ადგილობრივები „რეზონანსთან“ ყვებიან, რომ მამიდაშვილმა ბიძაშვილს დანით ყელი გამოჭრა, შემდეგ ბიძასთან მივიდა, და უთხრა, რომ შვილი მოუკლა. 

გარდაცვლილს ჭრილობები ასევე  გულის და მუცლის არეში აქვს  მიყენებული.  23 წლის მამაკაცი ადგილზევე გარდაიცვალა. თავდაპირველად მამიდაშვილმა შემთხვევის ადგილიდან მიმალვა სცადა, შემდეგ კი უკან დააბრუნდა და დანაშაული აღიარა.   

„ერთ-ერთი მეზობლის სახლში იყვნენ შეკრებილი და ქეიფობდნენ. სუფრასთან ბიძაშვილსა და მამიდაშვილს შორის სიტუაცია დაიძაბა. საქმის გასარჩევად  გარეთ გავიდნენ, რა დროსაც მათ შორის ფიზიკური დაპირისპირება და მკვლელობა მოხდა. 

„არავის ეგონა, რომ სიტუაცია ასე განვითარდებოდა. ნათესავები იყვნენ და ვინ წარმოიდგენდა, რომ ასე გაიმეტებდა. ადრე არანაირი კონფლიქტი არ ჰქონიათ.  გარდაცვლილი უცხოეთში სამუშაოდ იყო  და იქიდან ახლა ჩამოვიდა. ორივე ნასვამები იყვნენ.  სუფრაზე 5  ადამიანი იყო, მაგრამ მათ ეგონათ, რომ სახლში წავიდნენ. თუმცა გზაზე ეს სასტიკი მკვლელობა მოხდა. რომ დაუჩეხია, ჯერ დამალვა უცდია, მაგრამ მერე უკან დაბრუნდა და ბიძისთვის ეს საშინელება თავად მოუყოლია“, - ყვება ერთ-ერთი ადგილობრივი „რეზონანსთან“. 

მოკლულის ოჯახმა კი ნათესავის სახლის გადაწვა სცადა, თუმცა პოლიციამ ამ ეტაპზე დაძაბულობის განმუხტვა მოახერხა. ბიძაშვილ-მამიდაშვილები ერთმანეთის მეზობლად ცხოვრობენ და ყველასთვის გაუგებარია რა იყო ასეთი სასტიკი მკვლელობს მიზეზი. 

მარნეულში ბაქოს ქუჩაზე საგამოძიებო მოქმედებები ამ დრომდე მიმდინარეობს. პოლიციამ დაკავებულს ბრალი განზრახ მკვლლეობსი მუხლით წარუდგინა.