რეზონანსი
15.07.2020

საქართველოში ევროკავშირის წარმომადგენლობა აცხადებს, რომ კვლევა აჩვენებს საქართველოს მოსახლეობის ცოდნის მაღალ დონეს „კოვიდ-19“-ის შესახებ და დადებით დამოკიდებულებას პანდემიასთან საბრძოლველად გატარებული ზომების მიმართ.

„შედეგად გამოვლინდა: გამოკითხულთა უმრავლესობა (76-84%) მიიჩნევს, რომ საქართველოს მთავრობამ „კოვიდ-19“-ის გავრცელების პრევენციისათვის ადეკვატური ნაბიჯები გადადგა და დროულად იმოქმედა. ამ პროცესში ჩართული სამთვრობო ორგანიზაციების მიმართ ნდობაც მაღალია.

მოსახლეობის 90%-ზე მეტმა კარგად იცის „კოვიდ-19“-ის სიმპტომებისა და მისი გადაცემის გზების შესახებ, ხოლო დამცავ ზომებს 90%- ზე მეტი მიმართავს. ნაკლებად გავრცელებული სიმპტომების შესახებ ცოდნა უფრო დაბალია და შესაბამისად, გამოკითხულ მოსახლეობას მეტი ინფორმაციის მიღება სურს. კვლევამ ზომიერად ოპტიმისტური დამოკიდებულება გამოავლინა იმაზე, თუ როგორ უმკლავდება მოსახლეობა კორონავირუსს. დაახლოებით 55% მიიჩნევს, რომ ინფიცირების შანსი დაბალია“, – აღნიშნულია ევროკავშირის წარმომადგენლობის მიერ გავრცელებულ ინფორმაციაში.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×