რეზონანსი
03.07.2020

გლდანში, ლიფტის შახტში ჩავარდნილი 6 წლის ბავშვის მდგომარეობა სტაბილურად მძიმეა - ამის შესახებ "კურიერს" გლდანის რაიონის გამგებელმა ბექა მიქაუტაძემ განუცხადა.

მისივე თქმით, როდესაც შახტში ჩავარდნილი ბავშვის ხმა გაიგეს, პირველ სართულზე ლიფტის კარი გამოამტვრიეს და მისი ამოყვანა ამგვარად მოახერხეს.

"ბავშვი აღმოჩნდა ლიფტის შახტში იმ დროს, როდესაც ლიფტი მუშაობდა და დადიოდა. შეამჩნიეს, ბავშვის ხმა გაიგეს და შემდეგ მოხდა პირველ სართულზე ლიფტის კარის გამომტვრევა და ბავშვის ამოყვანა. ბავშვი ახლაც საავადმყოფოშია და მადლობა ღმერთს, გადარჩა, ცოცხალია, დროებით მართვით სუნთქვაზეა და არის სტაბილურად მძიმე, როგორც ექიმები ამბობენ. ამხანაგობას არ მოუმართავს ლიფტთან არსებული პრობლემით. ნებისმიერი საერთო საკუთრება, რომელიც არსებობს კორპუსებში, არის ამხანაგობის საკუთრება,"- განაცხადა გამგებელმა.

მეზობლების ინფორმაციით, ლიფტი ძველი იყო და მწყობრიდან ხშირად გამოდიოდა.

"პრივატ კლინიკის" საზოგადოებასთან ურთიერთობის სამსახურის უფროსი თამუნა ყიფიანი ბავშვის მდგომარეობასთან დაკავშირებით მედიასთან განცხადებას არ აკეთებს, რადგან მისივე თქმით, ამ ინფორმაციის გასაცემად კანონიერი მეურვეების თანხმობაა საჭირო.

შეგახსენებთ, გლდანში, ლიფტის შახტში ექვსი წლის ბავშვი ჩავარდა. არსებული ინფორმაციით, გამოძახებული ლიფტის კარი კაბინის გარეშე გაიღო, ბავშვი კი ღია კარში შევიდა.

ის კლინიკაში მშობლებმა წაიყვანეს. მომხდარზე გამოძიება გაუფრთხილებლობით ჯანმრთელობის ნაკლებად მძიმე ან მძიმე დაზიანებას გულისხმობს.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×