რეზონანსი
10.04.2020

სა­ქარ­თვე­ლოს ფარ­გლებს გა­რეთ კო­რო­ნა­ვირუ­სით სა­ქარ­თვე­ლოს კი­დევ ერთი მო­ქა­ლა­ქე გარ­და­იც­ვა­ლა. ახალ­გაზ­რდა ქალი სტრას­ბურ­გში და­ი­ღუ­პა - ამის შე­სა­ხებ დღეს და­ა­ვა­დე­ბა­თა კონ­ტრო­ლის ეროვ­ნუ­ლი ცენ­ტრის ხელ­მძღვა­ნე­ლის მო­ად­გი­ლემ პა­ა­ტა იმ­ნა­ძემ ისა­უბ­რა.

რო­გორც საფ­რან­გეთ­ში მცხოვ­რე­ბი ემიგ­რან­ტე­ბი ყ­ვე­ბი­ან, 40 წლამ­დე ქალს ჯან­მრთე­ლო­ბის სე­რი­ო­ზუ­ლი პრობ­ლე­მა ჰქონ­და, ის ონ­კო­ლო­გი­ურ და­ა­ვა­დე­ბას მკურ­ნა­ლობ­და, კო­რო­ნა­ვირუ­სით და­ინ­ფი­ცი­რე­ბამ კი ლე­ტა­ლუ­რი შე­დე­გი მო­ი­ტა­ნა.

"ჯერ სა­ქარ­თვე­ლო­ში მკურ­ნა­ლობ­და და რამ­დე­ნი­მე თვეა რაც აქ ჩა­მო­ვი­და სამ­კურ­ნა­ლოდ. ცუ­დად იყო ძა­ლი­ან, სის­ხლის კიბო ჰქონ­და. ქი­მი­ებს უკე­თებ­დნენ. აქაც რომ გა­უ­კე­თეს ძა­ლი­ან და­სუს­ტდა. იმ­დე­ნად ცუ­დად იყო, კო­რო­ნა­ვირუ­სი კი არა, უბ­რა­ლო გრი­პიც მო­ე­რე­ო­და", - ამ­ბო­ბენ ემიგ­რან­ტე­ბი AMBEBI.GE-ს

ეს ქარ­თვე­ლის კო­რო­ნა­ვირუ­სით გარ­დაც­ვა­ლე­ბის მე­ექ­ვსე შემ­თხვე­ვაა სა­ქარ­თვე­ლოს ფარ­გლებს გა­რეთ. პირ­ვე­ლად 74 წლის ქალ­ბა­ტო­ნი გარ­და­იც­ვა­ლა ეს­პა­ნე­თის ერთ-ერთ კლი­ნი­კა­ში, მას მძი­მე ქრო­ნი­კუ­ლი და­ა­ვა­დე­ბა ჰქონ­და.

რაც შე­ე­ხე­ბა სა­ქარ­თვე­ლოს მო­ქა­ლა­ქე ონ­კო­პა­ცი­ენ­ტის გარ­დაც­ვა­ლე­ბას, ეს უკვე მე­ო­რე შემ­თხვე­ვაა. პირ­ვე­ლად, ეს­პა­ნეთ­ში სამ­კურ­ნა­ლოდ წა­სუ­ლი 5 შვი­ლის დედა, სიმ­სივ­ნით და­ა­ვა­დე­ბუ­ლი 34 წლის ცირა ალი­ხა­ნაშ­ვი­ლი გარ­და­იც­ვა­ლა.

უცხო­ეთ­ში კო­რო­ნა­ვირუ­სით გარ­დაც­ვლი­ლი არც ერთი ქარ­თვე­ლი სა­ქარ­თვე­ლო­ში არ გად­მო­უს­ვე­ნე­ბით. ეპი­დე­მი­ის დროს, ყვე­ლა ქვე­ყა­ნა­ში მოქ­მე­დებს გარ­დაც­ვლი­ლე­ბის დაკ­რძალ­ვის სა­ვალ­დე­ბუ­ლო წესი და მიც­ვა­ლე­ბუ­ლის სა­ქარ­თვე­ლო­ში ტრასნ­პორ­ტი­რე­ბა ჯერ­ჯე­რო­ბით არ­ცერთ შემ­თხვე­ვა­ში არ მომ­ხდა­რა.

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×