რეზონანსი
05.04.2020

თბილისის ინფექციური საავდმყოფოს სამედიცინო დირექტორის, მარინა ეზუგბაიას განცხადებით, კორონავირუსით ინფიცირების ახალი შემთხვევებიდან ერთის წყარო სომხეთიდან ჩამოსული პირია, ხოლო დანარჩენი სამი ეროვნულ ბანკს უკავშირდება.

ეზუგბაიას თქმით, ოთხივე ახალი შემთხვევა მათ ცენტრშია დადასტურებული.

„ჩვენს ცენტრში ჩატარდა 15 პაციენტთან ტესტირება და ამ 15-დან ოთხთან მივიღეთ დადებითი. ამ ეტაპზე 174 პაციენტია დადასტურებული. ამ ოთხი პაციენტის წყარო არის სხვადასხვა. ერთი პაციენტის წყარო არის სომხეთიდან ჩამოსული პირი, რომელიც ჩვენთან მკურნალობს. დანარჩენი სამი პაციენტის წყარო არის ეროვნული ბანკის შემთხვევა. ამ პაციენტების ზოგადი მდგომარეობა არ არის ამ ეტაპზე მძიმე, სტაბილურია და გამოკვლევების შედეგად შეიძლება შეფასდეს მათი ზოგადი მდგომარეობა" , - განაცხადა მარინა ეზუგბაიამ.

ეზუგბაიას თქმით სამედიცინო ცენტრში მოთავსებული ერთ-ერთი პაციენტის ჯანმრთელობის მდგომარეობა კრიტიკულია. როგორც მან ჟურნალისტებს განუცხადა, ხუთი პაციენტის მდგომარეობა, რომლებსაც პნევმონია აღენიშნებათ, სტაბილურია.

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×