რეზონანსი
27.03.2020

არ არის დღეს არც სამეგობროს შეკრების დრო, არც ოჯახებში დიდი შეკრებების, არც არსად გარეთ, მათ შორის ეკლესიებში შეკრების დრო, - ამის შესახებ დაავადებათა კონტროლის ეროვნული ცენტრის დირექტორის მოადგილემ, პაატა იმნაძემ კორონავირუსთან დაკავშირებით საკოორდინაციო საბჭოს შემდეგ გამართულ ბრიფინგზე განაცხადა.

„ჩვენ კიდევ და კიდევ ვრჩებით ერთ პოზიციაზე, უფრო ნაკლები ადამიანური კონტაქტები უნდა გვქონდეს. ძალიან მძიმეა ამის თქმა, მაგრამ ეს ეხება ყველას, მათ შორის ეხება, რა თქმა უნდა, ეკლესიასაც, მათ შორის ეხება თქვენ წარმოიდგინეთ სამეგობრო წრეებსაც, ეს ეხება თქვენ წარმოიდგინეთ დიდ ოჯახურ თავყრილობებსაც", - განაცხადა პაატა იმნაძემ.

მისი თქმით, დღეს არსებული კორონავირუსის შემთხვევები ძირითადად სწორედ ოჯახურ კლასტერებს უკავშირდება.

„ოჯახებში არ იყო დაცული თვითიზოლაციის წესები. ეს იყო სამეგობროში გავრცელებული დაავადება. აქედან გამომდინარე, ყველას კიდევ ერთხელ მოვუწოდებ მაქსიმალური სიფრთხილისაკენ. არ არის დღეს არც სამეგობროს შეკრების დრო, არც ოჯახებში დიდი შეკრებების, არც არსად გარეთ, მათ შორის ეკლესიებში შეკრების დრო", - განაცხადა პაატა იმნაძემ.

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×