რეზონანსი
19.02.2020

საქართველოს პრეზიდენტი, სალომე ზურაბიშვილი ოკუპირებულ ცხინვალში ქართულწარწერიანი წამლების აკრძალვის გამო ჯანდაცვის მსოფლიო ორგანიზაციას, გაეროს ადამიანის უფლებათა დაცვის უმაღლეს კომისარსა და ევროსაბჭოს ადამიანის უფლებათა კომისარს ინფორმაცია მიაწოდა.

მათივე ცნობით, პრეზიდენტი წერილებში აღნიშნავს, მედიკამენტების აკრძალვასა და მოხმარებიდან ამოღებას, თან ერთვის ის, ფაქტი, რომ ჩაკეტილია ახალგორის მიმართულებით ე.წ. გადასასვლელი პუნქტი, რაც პირდაპირ ჰუმანიტარული კრიზისის გამომწვევია.

"აღნიშნული ვითარების გამო, რთულ მდგომარეობაშია ჩავარდნილი ოკუპირებულ ტერიტორიაზე მცხოვრები მოსახლეობა და განსაკუთრებით კი, პენსიონერები, ის ადამიანები, რომლებსაც ქრონიკული დაავადებები აწუხებთ და მუდმივად მედიკამენტურ მკურნალობას საჭიროებენ", - ნათქვამია პრეზიდენტის ადმინისტრაციის განცხადებაში.

პრეზიდენტი ასევე აღნიშნავს, რომ ე.წ. გადასასვლელი პუნქტის ჩაკეტვითა და მედიკამენტების მოხმარების აკრძალვით იზღუდება ადამიანის ფუნდამენტური უფლებები, რომლებიც ჯანმრთელობის უფლებას, სიცოცხლის უფლებასა და გადაადგილების თავისუფლება ეხება. პრეზიდენტმა კომისრებს საქართველოს ოკუპირებულ ტერიტორიებზე შექმნილ ვითარებაზე ყურადღების გამახვილებისა და თავიანთი შესაძლებლობების ფარგლებში, გადასასვლელი პუნქტის გახსნისათვის რეაგირებისაკენ მოუწოდა.

შეგახსენებთ, რომ 18 თებერვალს შერიგებისა და სამოქალაქო თანასწორობის საკითხებში სახელმწიფო მინისტრმა, ქეთევან ციხელაშვილმა განაცხადა, რომ ოკუპირებული ცხინვალიდან ქართული წარწერებით მედიკამენტების ამოღება დაიწყეს.

 

ლიცენზია
დატოვე კომენტარიკომენტარები (2)
ჩაწერა სახელი
S.O.   (19.02.2020)
პრეზიდონტო !ამგვარი საგანგაშო ზარები ყოველ დღეს უნდა მივაწოდოთ საერთარშორისო ორგანიზაცებს.მსოფლიოშ ი აგრესიების, ომების დროს გადამწვარი სოფლების გარშემო ულევად რომ იყო masmediebSi(ხატინის, ... სონგმის), ონლაინ ინფორმაცისამებრ, რეგულარულად უნდა შევახსენოთ მეზობელი აგრესორის მიერ თამარ მეფის დროს დაარსებული , მეთორმეტე საუკუნის ქართველთა სოფელ თამარაშენის და სხვა ქართული სოფლების,გადაწვა მიწასთან გასწორების შესახებ შეხსენებით ყველა სახელმწიფოს დონეზე ყოველ წამს.შეუხსენებლად ჩვენი სტრატეგული პარტნიორები ყველგან, ევროპაშიც დს ამერი.. ივიწყებენ სწრაფად ...ხშირად შეუხსენებლად, - სხვათა ჭირი , ღობეს ჩხირიო ...ბორდერიზაციაზე დექართველიზაციაზე...თამარაშენზე დეოკუპაციამდე ყოველ დღე ეროვნულ დონეზე შეხსენებები უბრძოლველად არვინ ატფერს არ დაგვიბრუნებს წამდაუწუმ შეხსენება კი ბრძოლის ეტთ ერთი მძლავრი იარაღი სისყემატური შეხსენება არა დრო და დრო.

xundadzes davajvi   (19.02.2020)
heni xronci dedas heveci


Copyright © 2006-2020 by Resonance ltd. . All rights reserved
×