რეზონანსი
20.01.2020

პატრიარქმა პეტრე ცაავა შვილივით გაზარდა, ის კი მას ლანძღავს,- ამის შესახებ საკვირაო წირვაზე მამა შალვა კეკელიამ განაცხადა.

მისი თქმით, პატრიარქმა უდიდესი დათმენის უნარი გამოავლინა და ამით მის მრევლს მაგალითი მისცა.

„პატრიარქი ცოცხალ მაგალითად გვყავს... შეიძლება ადრე წინაპრებზე ვლაპარაკობდით, მაგრამ ახლა აგერ გვყავს პატრიარქი. მან მაგალითი მოგვცა, როგორ უნდა დაითმინო ადამიანმა განსაცდელი. ხომ შეიძლებოდა ასე არ მომხდარიყო და ასეთი განსაცდელი მასზე არ დაშვებულიყო, მაგრამ პატრიარქმა დაუშვა, ღმერთისგან ითხოვა, რომ ასეთი რამე მომხდარიყო და ჩვენთვის მაგალითი მოეცა. მოგვცა მაგალითი, როგორ უნდა მოვითმინოთ ყვედრება, ლანძღვა. წარმოიდგინეთ, ვინც პატრიარქმა კაცად აქცია, თავისი ხელით, დაუძახა, გვერდით დაიყენა, ჯერ მორჩილი კაბა ჩააცვა, ბერად აღკვეცა, მღვდლად აკურთხა, ეპისკოპოსად აკურთხა, წარმოიდგინეთ შვილივით გაზარდა, ყველაზე დიდი ეპარქია ჩააბარა და ყველაფერი მისცა ამ ადამიანს და ეს ადამიანი გამოდის და ლანძღავს... მაგრამ თქვენ გაგიგიათ პატრიარქისგან, რომ მასზე რამე ეთქვას? წარმოიდგინეთ რამხელა მაგალითს გვაძლევს. ერთადერთი, რამ უთხრა სინოდის სხდომაზე, რა კარგი იყავი და რა დაგემართაო, მხოლოდ ამით შემოიფარგლა", - განაცხადა შალვა კეკელიამ.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2021 by Resonance ltd. . All rights reserved
×