სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    რეზონანსი
    22.11.2019

    (რეზონანსი) ყოფილი პრემიერ-მინისტრი გიორგი კვირიკაშვილი თუ პოლიტიკაში დაბრუნებას გადაწყვეტს, დიდი ალბათობით, მისი გუნდის წევრად მიხილავთ, თუმცა 2020 წელთან დაკავშირებით საბოლოო გადაწყვეტილება ჯერ არ მიმიღია,- ამის შესახებ ჟურნალისტებს დეპუტატმა, მარიამ ჯაშმა განუცხადა.

    მისივე თქმით, გიორგი კვირიკაშვილს ესაუბრა და მისგან იცის, რომ პოლიტიკაში დაბრუნებას არ აპირებს.

    „დღევანდელი პოლარიზებული გარემოს კონტექსტში გიორგი კვირიკაშვილის დაბრუნება შეიძლება, უაღრესად დადებითი ნაბიჯი იყოს. თუ კვირიკაშვილი პოლიტიკაში დაბრუნებას გადაწყვეტს, დიდი ალბათობით, მისი გუნდის წევრად მიხილავთ, თუმცა 2020 წელთან დაკავშირებით საბოლოო გადაწყვეტილება ჯერ მიღებული არ მაქვს. ერთი მიმართულება პოლიტიკური პაუზის აღება და საერთაშორისო ორგანიზაციაში დაბრუნებაა, თუმცა პოლიტიკაში მოსვლას არც 2016 წელს ვგეგმავდი და ეს აუცილებელი გახადა გარკვეულმა გარემოებებმა. დაველოდები და თუ სიტუაცია პოლიტიკაში ჩემს დარჩენას მოითხოვს, შეგვიძლია აღნიშნულთან დაკავშირებით მსჯელობა, თუმცა ეს ძალიან ადრეა", - განაცხადა ჯაშმა.

    მარიამ ჯაში ერთ-ერთია იმ დეპუტატებს შორის, რომლებმაც საპარლამენტო უმრავლესობა და საპარლამენტო თანამდებობები პროტესტის ნიშნად დატოვეს მას შემდეგ, რაც პარლამენტში პროპორციული საარჩევნო სისტემის შესახებ პროექტი ჩავარდა.

    ლიცენზია
    დატოვე კომენტარიკომენტარები (2)
    ჩაწერა სახელი
    წესიერი მოქალაქე!   (22.11.2019)
    ამაზეა ნათქვამი ვისაც ჩავაცვი იმან გამხადაო!!!!

    ere   (22.11.2019)
    metis girsia ivanishvili vin ikavi vinmem icoda gamogaxeda tvalebshi she nagavo


    Copyright © 2006-2019 by Resonance ltd. . All rights reserved
    ×