რეზონანსი
21.11.2019

(რეზონანსი) ბოდბელი ეპისკოპოსი, მეუფე იაკობი "ქართულ ოცნებას" აფრთხილებს და მძიმე მომავალს უწინასწარმეტყველებს.

მეუფე იაკობის განცხადებით, არც ერთ ხელისუფლებას ხალხის წინააღმდეგ არ გაუმარჯვია და გამონაკლისი ამ კუთხით არც "ქართლი ოცნება" იქნება.

პატრიარქის ყოფილი ქორეპისკოპოსის თქმით, დღეს მმართველი პარტია დგას ყველაზე დიდი საშიშროების წინაშე, გაიმეორონ იგივე პოლიტიკური ბედი, რაც წინა ხელისუფლებებს გადახდათ.

"ძალა არის ხალხთან, ვერანაირ ნაბიჯებზე ვერ წავლენ, ძალა არის იქ, სადაც სამშობლოს სჭირდება, მთავარია ხალხი. ერთპარტიული მმართველობის გზით, თვითონაც ევროპაში ფიქრობენ, რომ შორს ვერ წავალთ. შევარდნაძის დროს ლამის დაღუპა ამ ტიპის მმართველობამ საქართველო, მიშას დროს ლამის დაღუპა საქართველო, მერე გაკეთებულიც აღარ ჩანს ხოლმე. შეხედეთ, როგორ მთავრდება ჯერ გამსახურდია გააძევეს საქართველოდან, მერე მოკლეს და მის გარემოცვას რაც მოუვიდა ვნახეთ, ზოგი გაიქცა, ზოგი დაიჭირეს. შევარდნაძე ფაქტობრივად კრწანისში იყო, მაგის გარემოცვიდანაც ბევრი გაიქცა, ბევრი დაიჭირეს. სააკაშვილსაც იგივე მოუვიდა პირველი ოქტომბერი დამთავრებული არ იყო დაიჭირეს მისი გარემოცვის წევრები" - განაცხადა მეუფე იაკობმა „მთავარ არხთან" მიცემულ ინტერვიუში.

მღვდელმთავარი, მას და მთავრობას შორის არსებულ ურთიერთობაზე არ საუბრობს, თუმცა ამბობს, რომ საქართველოს ჰყავს ხელისუფლება, რომელიც ყველაზე მეტად გაქვს ბოლშევიკებს.

"პოლიტიკოსებს ვუყურე და ძალიან ცუდ განცხადებებს აკეთებდნენ ეკლესიის მისამართით, ცუდი უნდათ. თვითონ ისჯიან თავს, ან რობოკოპებით მისცხებენ, ან ღმერთისგან უარესს მიიღებენ, ამიტომ ეკლესიასთან ურთიერთობა უნდა ვისწავლოთ. ბრიუსელში საღად აზროვნებენ. ჩვენთან არის ბოლშევიკები, რაც მოვიდა ყველა ხელისუფლება ბოლშევიკი ხდება. არაფრის არ უნდა შეგეშინდეთ ყველაფერი კარგად იქნება" - დასძინა მეუფე იაკობმა.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×