რეზონანსი
20.11.2019

  ზემო ფონიჭალაში იმ უბნის მაცხოვრებლები, სადაც ბერი ნიკოლოზის სახელით ცნობილი ნარიმან მაქარაშვილი ცხოვრობს, არსებულ რთულ ვითარებაზე სოციალურ ქსელში წერენ.

მოსახლეობის ნაწილი, კორპუსიდან მაქარაშვილის გასახლებას ითხოვს, ვინაიდან მისი მრევლი 24 საათიან რეჟიმში დგას კორპუსის წინ, მღერიან სხვადასხვა სიმღერებს და ყვირიან - "გაუმარჯოს მეფე ნარიმანს"!

ადგილობრივები ამბობენ, რომ ბავშვები ეზოში სათამაშოდ ვეღარ ჩაჰყავთ, რაიმე პრეტენზიის შემთვევაში კი ნარიმან მაქარაშვილის მრევლი მათ მიმართ აგრესიას ავლენს.

"მსგავსი ფაქტი არც გამიგია, არც მინახავს. უკვე მეტისმეტად აუტანელია ის, რაც აქ ხდება ამ უბანში. ის რომ ყოველღამით მღერიან, სანთლებს ანთებენ (ხან იქვე მდგარ მანქანებზე აკრავენ სანთლებს) ის, რომ ზაფხულში ეზოში ბავშვებს ვერ უთამაშიათ (ხან ბურთს ართმევენ ხან საყვედურობენ, რომ ლოცვაში და სიმღერაში ხელი ეშლებათ), მაგრაამ რაც ეხლა ვნახე აი ყოველგვარ ზღვარს გადასულია და მინდა გაგიზიაროთ (მრევლმა ნარიმან მაქარაშვილის საცხოვრებელ კორპუსთან სიმღერის თანხლებით ცაში მანათობელი ბუშტები გაუშვა და ფეიერვერკები ისროლა - ნახეთ ვიდეო).

პატრულის გამოძახების შემთხვევაც არაერთხელ ყოფილა, რადგან აგრესიით გამოირჩევიან თუ მოსახლეობამ შენიშვნა მისცა. ასე მიულოცეს ბერ ნარიმან-ნიკოლოზს დაბადების დღე, შეძახილებით დიდება მეფეს! ამ წუთებში ისეთი ღრეობაა გამართული უბანში რომ", - წერს ერთ-ერთი მაცხოვრებელი.

"ამათთან ბრძოლა რა ძალისხმევას მოითხოვს, არ იცით. ჯერ დიდუბეში, ორი წელი იბრძოლა მოსახლეობამ, რომ იქიდან გადასულიყო, აკლებული ჰქონდათ იქაურობა ამათ და მერე ნარიმანმაც ლამის, მოკლა იქაური მეზობელი, ჩაქუჩი ჩაარტყა თავში. მერე კეკელიძეზე გადავიდა და იქ იმართებოდა ცირკი და ხალხი ბინებს ჰყიდიდა ამათ გამო".

"უაგრესიულესი სექტაა, სულ ასე კი არ მღერიან, წიხლქვეშ გაგიგდებენ, წინააღმდეგობა თუ გაუწიე".

"კეკელიძეზე ფანჯრიდან ყრიდა ნაგავს და ესენი აგროვებდნენ წმინდა ნაგავიაო. საჭმლის ზეთს ასხავდა და ბამბით იღებდნენ და ბავშვებს აცხებდნენ. გჯერათ? არც მე მჯეროდა".

 

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×