რეზონანსი
17.11.2019

  მასშტაბური აქცია რუსთაველის გამზირზე - პარლამენტის შიდა ტერიტორიაზე პოლიციის განსაკუთრებული მობილიზება შეინიშნება, ისინი ყვითელ ავტობუსებში არიან განთავსებულნი, მათ აქვთ სპეციალური აღჭურვილობა. პარლამენტი არ არის ერთადერთი ადგილი სადაც სამართალდამცავები არიან მობილიზებულნი. შსს-ს თანამშრომლები ასევე იმყოფებიან მთავრობის ადმინისტრაციასთან.

შეგახსენებთ, მრავალრიცხოვანი საპროტესტო აქცია პარლამენტის წინ დღეს, 15:00 საათზე დაიწყება, აქციას ოპოზიციისა და სამოქალაქო მოძრაობების წარმომადგენლები მასშტაბურ აქციას გამართავენ. მათი მოთხოვნებია: შეიქმნას დროებითი ტექნიკური მთავრობა, 2020 წლის საპარლამენტო არჩევნები ჩატარდეს პროპორციული წესით, შეიცვალოს დღეს მოქმედი ცესკო-ს შემადგენლობა და დაუყოვნებლივ გათავისუფლდნენ პოლიტპატიმრები.

ოპოზიციამ და სამოქალაქო საზოგადოებამ საპროტესტო აქცია რუსთაველზე მას შემდეგ დაიწყო, რაც პარლამენტმა საარჩევნო ცვლილებასთან დაკავშირებული კანონპროექტი, რომელიც პროპორციულ სისტემაზე გადასვლას გულოსხმობდა, ჩააგდო.

 

 

 

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×