რეზონანსი
24.10.2019

 რუსთავში, XVII მიკრო რაიონში, ოჯახში ძალადობის ბრალდებით ერთი პირი დააკავეს. 44 წლის მამაკაცმა მეუღლეზე ფიზიკურად იძალადა, რის შედეგადაც 41 წლის ქალს სხვადასხვა სახის დაზიანება ჰქონდა მიყენებული. 

მომხდარის გამო ადგილზე საპატრულო პოლიციისა და სასწრაფო დახმარების ეკიპაჟები გამოიძახეს.

"ინფო რუსთავი"-ს ინფორმაციით, ქმარმა ცოლს თავის არეში პლასტმასის ხელკეტით დაზიანები მიაყენა, ჩხუბის დროს დაშავდა მამაკაციც. სასწრაფოს ექიმებმა დაშავებულებს სამედიცინო დახმარება ადგილზე აღმოუჩინეს და მათი საავადმყოფოში გადაყვანა საჭირო არ გახდა. პოლიციამ 44 წლის მამაკაცი ადგილზე დააკავა და პოლიციის განყოფილებაში გადაიყვანა.

დაკავებულის დედა ამბობს, რომ "რძალი თურქეთში მიდიოდა ხოლმე სამუშაოდ, ისე რომ მეუღლემ არ იცოდა, ხან თვეობით, ხან ერთი წლით, მაგრამ ამ დროის მანძილზე შვილებს ფულს იშვიათად უგზავნიდა. 

"3 შვილს უპატრონოდ ტოვებდა, ჩემი შვილი იძულებული იყო წამოსულიყო სამსახურიდან და ეპატრონა შვილებისთვის. უთანხმოების და კომფლიქტის მიზეზიც ეს ხდებოდა ხოლმე", - აცხადებს დაკავებულის დედა. 

"ინფო რუსთავი" დაკავებულის მეუღლესთანაც შეეცადა გასაუბრებას, მაგრამ მან კარი არ გააღო და ჟურნალისტის კითხვებს არ უპასუხა.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×