რეზონანსი
23.10.2019

  მალხაზ მაჩალიკაშვილი აცხადებს, რომ პანკისში სპეცოპერაციაში მონაწილე პირთა უმრავლესობამ საქართველო დატოვა, ხოლო ერთმა სპეცრაზმელმა სიცოცხლე თვითმკვლელობით დაასრულა. მალხაზ მაჩალიკაშვილი განმარტავს, რომ მან ეს ინფორმაცია სანდო წყაროებისგან მიიღო.

„სამი სპეცრაზმელი იყო შესული თემირლანთან. თავი ერთმა კი არ უნდა მოიკლას, სამივემ. ეს ინფორმაცია გავრცელდა. მე ვერ ვადასტურებ. მეც მომაწოდოდეს, სანდო წყაროა. თუმცა, რომ დავეყრდნო ამას ვერ გეტყვით. რადგან ჩემ ცხოვრებაში ტყუილი არ მითქვამს - აცხადებს მალხაზ მაჩალიკაშვილი.

„პრაიმტაიმი" სახელმწიფო უსაფრთხოების სამსახურს დაუკავშირდა. უწყებაში ამ ინფორმაციას არ ადასტურებენ.

„არ ვადასტურებთ იმ ინფორმაციას, რომელიც სპეცრაზმელი თვითმკვლელობასთან დაკავშირებით გავრცელდა" - აცხადებენ სუს-ში.

შეგახსენებთ, თემირლან მაჩალიკაშვილს 331-ე პრიმა მუხლით გათვალისწინებული ბრალდება ჰქონდა წაყენებული, რაც ტერორიზმის დაფინანსებას, ტერორისტული საქმიანობის სხვაგვარ მატერიალურ მხარდაჭერას, ან რესურსებით უზრუნველყოფას გულისხმობს, რამაც მძიმე შედეგი გამოიწვია. ეს მუხლი სასჯელის ზომად 17 დან 20 წლამდე ვადით, ან უვადო თავისუფლების აღკვეთას ითვალისწინებს.

წყარო: პრაიმტაიმი

 

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×