რეზონანსი
19.10.2019

  გურამიშვილზე აფეთქების დროს ერთ-ერთი დაშავებული ამ დრომდე დამწვრობის ცენტრში რჩება. როგორც ჟურნალისტებს მისმა ახლობელმა განუცხადა, დაშავებულმა ოჯახთან თვითონ დარეკა და შემთხვევის შემდეგაც კონტაქტური იყო.

,,აფეთქების მიზეზი ჯერჯერობით არ ვიცით. ორიენტირებული ვართ იმაზე, რომ ეს ადამიანი მდგომარეობიდან გამოვიდეს. ადეკვატური და კონტაქტურია, რაც ძალიან დიდ იმედს გვაძლევს. სახლში მარტი ცხოვრობდა. დასახმარებლად თავად დარეკა მამასთან. დამწვარი ვარ და დედა ჩამოვიდესო. თავისი ფეხით ჩამოვიდა მეოთხე სართულიდანაც, შემთხვევის შემდეგ ,- ამბობს ოჯახის ახლობელი დიანა ბუხრიკიძე.

დღეს გამთენიისას, გურამიშვილის გამზირზე, N30-ში მომხდარი აფეთქების სავარაუდო მიზეზად გაზის გაჟონვა სახელდება. შემთხვევა მეორე კორპუსში, მეოთხე სართულზე, ბინა N13-ში მოხდა. ადგილზე მისვლისთანავე, მეხანძრე-მაშველებმა კორპუსიდან მოსახლეობის სრული ევაკუაცია განახორციელეს. ფაქტზე უკვე დაწყებულია გამოძიება.

წყარო: პრაიმტაიმი

 

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×