სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    რეზონანსი
    14.08.2019

     (რეზონანსი) პროგრამის „გადაიღე საქართველოში" ფარგლებში, ჰოლივუდის კინომწარმოებელი კომპანიის „UNIVERSAl PICTURES" ერთ-ერთი ყველაზე ცნობადი ფილმის „Fast and Furious 9" (ფორსაჟი 9) ეპიზოდის გადაღება 19 აგვისტოს დაიწყება და პროცესი 20 სექტემბერს დასრულდება.

    აღნიშნულის გამო, თბილისსა და რუსთავში რამდენიმე ქუჩა გადაიკეტება.

    "გადამღები ჯგუფი 600 ადამიანისგან შედგება, მათ შორის 425 ადგილობრივი პერსონალია. საქართველოში გადაღებების წარმოებისათვის ბიუჯეტი 32 მილიონამდე ლარით არის განსაზღვრული. გადაღების მასშტაბისა და ინვესტიციის მოცულობიდან გამომდინარე, აღნიშნული პროექტი უპრეცედენტოა სახელმწიფო პროგრამის „გადაიღე საქართველოში" არსებობის ისტორიაში.

    გადაღების მოსამზადებელ პროცესში რამდენიმე სახელმწიფო უწყება იყო ჩართული. ეკონომიკისა და მდგრადი განვითარების სამინისტროს, შინაგან საქმეთა სამინისტროს, თბილისის მერიისა და სააგენტოს „აწარმოე საქართველოში" აქტიური თანამშრომლობით გაფორმდა ყველა საჭირო დოკუმენტაცია ტექნიკური მხარდაჭერისთვის საჭირო პროცედურებისა და ხელშეწყობის თაობაზე.

    გადაღებებისთვის შერჩეულია ლოკაციები თბილისსა და რუსთავში, კერძოდ, გადაღება განხორციელდება რუსთაველისა და ვაჟა-ფშაველას გამზირებზე, თავისუფლების მოედანზე, პუშკინის, ბესარიონ ჟღენტის, ავთო ვარაზისა და უნივერსიტეტის ქუჩებზე, ასევე, რუსთავში ბაზრობის ტერიტორიაზე.

    საქართველოში გადაღებებს ქართული საპროდუსერო კომპანია „ენკენი ფილმს ფფ9" უზრუნველყოფს.

    „Fast and Furious 9" (ფორსაჟი 9) პოპულარული ბლოგბასტერის მეცხრე ფილმი იქნება. დღემდე არსებული ფილმების შემოსავალი 5 მილიარდ ამერიკულ დოლარს აჭარბებს. ფილმებში მთავარ როლებს ვინ დიზელი, მიშელ როდრიგესი, იორდანა ბრიუსტერი, ტაირი გიბსონი, კრის ბრიჯისი, ნატალი რამსი, ჩარლიზ ტერონი, ჰელენ მირენი და ჯონ სენა ასრულებენ" - აღნიშნულია "აწარმოე საქართველოშის" მიერ გავრცელებულ ინფორმაციაში.

    ლიცენზია
    დატოვე კომენტარიკომენტარები (4)
    ჩაწერა სახელი
    Kaxa   (15.08.2019)
    Arcerti chamotvlili msaxiobi samwuxarod argveyoleba tbilishi:)

    თემო   (15.08.2019)
    იორდანა ბრიუსტერი ვინღაა? ჯორდანა რომაა ის? ჯონ სენა? თუ სინა? ტაირი გიბსონი თუ ტაირიზ გინსონი? ნატალი ემანუელი ქვია იმ გოგოს და რამზი ფილმში ქვია. ვაიიი რა ყლე ჟურნალისტი ხარ ვიღაცა ხარ დაგაჯვი მაგ თითებზე :დდდდდ

    თემო   (15.08.2019)
    ბლოგბასტერი "ჟურნალისტო"? :დდდდ ბლოგბასტერი? თუ ბლოკბასტერი? ინგლისურიდან block და buster. ასეთი ელემენტარული როგორ არ უნდა იცოდე ამხელა გაზეთის ჟურნალისტმა? სოფლელო

    თემო   (15.08.2019)
    ბლოგბასტერი "ჟურნალისტო"? :დდდდ ბლოგბასტერი? თუ ბლოკბასტერი? ინგლისურიდან block და buster. ასეთი ელემენტარული როგორ არ უნდა იცოდე ამხელა გაზეთის ჟურნალისტმა? სოფლელო


    Copyright © 2006-2019 by Resonance ltd. . All rights reserved
    ×