რეზონანსი
11.07.2019

 (რეზონანსი) პროტესტის ნიშნად ბათუმში საინიციატივო ჯგუფმა „ბათუმი თავისუფლებისთვის", ვაჟა-ფშაველას ბიუსტს თვალი აუხვიეს წითელი ლენტით.

საქმე ისაა, რომ დღეს ევროსაბჭოს პრეზიდენტმა ბათუმის საერთაშორისო კონფერენციაზე თავისი გამოსვლა ვაჟა-ფშაველას წერილიდან „კოსმოპოლიტიზმი და პატრიოტიზმის" ციტატით დაიწყო.

ჯგუფმა თავის გვერდზე დონალდ ტუსკისადმი მიმართვის მოკლე ტექსტიც გამოაქვეყნა:

"ბატონო ტუსკი,

- საქართველოს მთავრობა არ ადგას ევროპულ გზას!

- ის სამ კვირაზე მეტია, უგუბელყოფს მოქალაქეთა სამართლიან მოთხოვნას შინაგან საქმეთა მინისტრის გადადგომაზე!

- ის ესვრის მშვიდობიან დემონსტრანტებს რეზინის ტყვიებს, ასახიჩრებს ახალგაზრდებს და სამუდამოდ ცვლის მათ ცხოვრებას!

- საქართველოს მთავრობას არაფერი აქვს საერთო ვაჟა-ფშაველასთან, შოთა რუსთაველთან, სხვა ქართველ, პოლონელ, ფრანგ, გერმანელ მწერლებთან, განმანათლებლებთან!

- საქართველოს მთავრობას არ ესმის საკუთარი მოქალაქეების!

გახარია უნდა გადადგეს!"

ბათუმში საერთაშორისო კონფერენცია „საქართველოს ევროპული გზა" გაიხსნა, რომელიც „აღმოსავლეთ პარტნიორობის" 10 წლის იუბილეს ეძღვნება.

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×