რეზონანსი
04.05.2017

 დიდი ბრიტანეთის დედოფლის, ელისაბედ II-ის მეუღლე, 95 წლის ჰერცოგი ფილიპე საჯარო საქმიანობას წყვეტს. ედინბურგის ჰერცოგი პოლიტიკურ ცხოვრებას ოფიციალურად სექტემბრიდან დაასრულებს, ამის შესახებ "CNN"-ი წერს.

ბუკინგემის სასახლის ოფიციალურ განცხადებაში ნათქვამია, რომ ჰერცოგის გადაწყვეტილებას დედოფალი მხარს უჭერს. ბრიტანეთის სამეფო კარის განცხადებით, ფილიპე მაუნტბატენი უკვე დაგეგმილ ღონისძიებებს ელისაბედ II-თან ერთად აგვისტოს ჩათვლით დაესწრება, შემოდგომიდან კი საჯარო შეხვედრებზე და ოფიციალურ მოწვევებზე უარს იტყვის.

ფილიპე მაუნტბატენი საბერძნეთისა და დანიის ყოფილი პრინცი და ედინბურგის ჰერცოგია. ის საბერძნეთის მეფის, გეორგ I-ის შვილიშვილია.

პრინცი ფილიპე ელისაბედ უინძორზე 1947 წელს დაქორწინდა და მართლმადიდებლობა ანგლიკანური ეკლესიით შეიცვალა. დედოფალ ელისაბედსა და ჰერცოგ ფილიპეს ოთხი შვილი ჰყავთ. ისინი 65 წელია ერთად ცხოვრობენ.

 

 

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2020 by Resonance ltd. . All rights reserved
×