ისრაელის დარტყმის შედეგად, ირანის რამდენიმე სამხედრო მაღალჩინოსანი, მათ შორის ირანის ისლამური რევოლუციის გუშაგთა კორპუსის მეთაური ჰოსეინ სალამი. დაიღუპა. შესაბამის ინფორმაციას ირანის სახელმწიფო მედია ავრცელებს.

„ბიბისი“ ამავე ტელევიზიაზე დაყრდნობით წერს, რომ დღეს დილით ისრაელის მიერ განხორციელებული პირველი დარტყმების შედეგად, დაიღუპნენ ბირთვულ საკითხში მეცნიერები ფერეიდუნ აბასი-დავანი და მოჰამედ მეჰდი თეჰრანჩი.

ირანის სახელმწიფო მედიაში ასევე ვრცელდება ინფორმაცია, რომ ისრაელის დარტყმის შედეგად საცხოვრებელ სახლებში ხანძარი გაჩნდა, დაღუპულთა შორის ბევრი ქალი და ბავშვია.