ალბანეთის დედაქალაქ ტირანაში აზერბაიჯანისა და სომხეთის ლიდერების შეხვედრა გაიმართა.

ილჰამ ალიევი და ნიკოლ ფაშინიანი ევროპის პოლიტიკური გაერთიანების მეექვსე სამიტში მონაწილეობენ.

აზერბაიჯანული მედიის ცნობით, მხარეებმა გაცვალეს მოსაზრებები ორ ქვეყანას შორის ურთიერთობებზე, სამშვიდობო ხელშეკრულებასა და სხვა საკითხებზე. ორი ქვეყნის ლიდერებს შორის ცალკე შეხვედრის შემდეგ მათ ორი ქვეყნის საგარეო საქმეთა მინისტრები - არარატ მირზოიანი და ჯეიჰუნ ბაირამოვი შეუერთდნენ.