ყველაზე მარტივი პასუხი სწორედ ეს გახლავთ, რომ თუ უცხოეთიდან ჩარიცხული თანხა ემსახურება საქართველოსა და მოქალაქეების საუკეთესო ინტერესებს, რატომ უნდა იყოს ეს ფული დამალული, - განუცხადა ჟურნალისტებს რეგიონული პოლიტიკისა და თვითმმართველობის საპარლამენტო კომიტეტის თავმჯდომარე ირაკლი ქადაგიშვილმა დაყადაღებული ფონდების ხელმძღვანელთა სახლებში ჩატარებულ საგამოძიებო მოქმედებებთან დაკავშირებით.

„ყველაზე მარტივი პასუხი სწორედ ეს გახლავთ, რომ თუ უცხოეთიდან ჩარიცხული თანხა ემსახურება საქართველოსა და მოქალაქეების საუკეთესო ინტერესებს, რატომ უნდა იყოს ეს ფული დამალული და რატომ უნდა იწვევდეს ამ ფულის საჯაროობა ასეთ გააფთრებულ წინააღმდეგობას.

ე.ი. ეს ფული გამოიყენებოდა სწორედ ამ არაკანონიერი ქმედებების დასაფინანსებლად. ვიმეორებ, ეს აღარ არის უკვე მარტო ჩვენი მიგნება. ამასთან დაკავშირებით თვითონ ამერიკის შეერთებული შტატების ახალმა ადმინისტრაციამ ყველაზე ხმამაღლა განაცხადა“, - აღნიშნა ირაკლი ქადაგიშვილმა.