გამოცემა "ბათუმელებისა" და "ნეტგაზეთის" დირექტორმა, რომელიც 35-ე დღეა შიმშილობს,  სპეციალურად საპროტესტო აქციისთვის "ვივამედიდან" წერილი გამოაგზავნა. 

"ვშიმშილობ. სიცოცხლეზე ღირებული თავისუფლებაა" - ნათქვამია მზია ამაღლობელის მიერ დაწერილ წერილში, რომელიც რუსთაველის გამზირზე შეკრებილ საზოგადოებას ხელოვანებმა წაუკითხეს. 

არ ვაპირებ მივიღო რეჟიმის დღის წესრიგი. ვშიმშილობ. სიცოცხლეზე ღირებული თავისუფლებაა. ჩემს მოცემულობაში ყველა შეიძლება აღმოჩნდეს, ვისაც რუსული გავლენებისგან თავისუფალ საქართველოში უნდა ცხოვრება". - წერია მზია ამაღლობელის მიერ დაწერილ წერილში. 

შეგახსენებთ,  მზია ამაღლობელს სისხლის სამართლის დანაშაული ედება ბრალად, კერძოდ პოლიციელისთვის ფიზიკური შეხებისთვის. ჟურნალისტს 4-დან 7 წლამდე პატიმრობა ემუქრება.