რუსეთის დუმამ ე.წ. "ნებაყოფლობითი უშვილობის პროპაგანდა" აკრძალა. ამის შესახებ ინფორმაციას რუსული სახელმწიფო გამოცემა "ტასი" ავრცელებს.

რუსეთის პარლამენტის ქვედა პალატამ (დუმამ) 12 ნოემბერს მეორე და ბოლო, მესამე, მოსმენაზე მიიღო კანონპროექტი, რომელიც ე.წ. "ჩაილდფრი" (ნებაყოფლობითი უშვილობა) პროპაგანდას კრძალავს.

კანონი ითვალისწინებს ინტერნეტში, მედიაში, ფილმებსა და რეკლამაში "ჩაილდფრის" შესახებ ინფორმაციის გავრცელებაზე აკრძალვას. სოციალურ ქსელებს დაევალებათ კონტენტის მოდელირება, რომელიც ნებაყოფლობით უშვილობაზე პროპაგანდას უკავშირდება. დარღვევის შემთხვევაში რესურსები, რომლებიც მსგავს ინფორმაციას შეიცავენ, "როსკომნადზორის" მიერ აკრძალული გვერდიგვერდ სიაში მოხვდებიან. ფილმებს, რომლებშიც "ჩაილდფრი" იდეოლოგიასთან დაკავშირებული სცენები ან რეპლიკები იქნება, კინოთეატრებში ჩვენების ლიცენზია ჩამოერთმევათ.

ასევე, მიღებულ იქნა შესწორება, რომლის თანახმადაც ინფორმაცია სამონასტრო ცხოვრების წესზე, მათ შორის უქორწინებლობასა და უშვილობაზე, კანონის აკრძალვის ქვეშ არ მოჰყვება.

აკრძალვის დარღვევის შემთხვევაში გათვალისწინებულია ჯარიმები 100 ათასი რუბლიდან 4 მილიონ რუბლამდე (1,000 - 40,000 აშშ დოლარი). უცხო ქვეყნების მოქალაქეებისთვის იგივე ჯარიმებია გათვალისწინებული, როგორც რუსეთის მოქალაქეებისთვის, თუმცა ამასთან ერთად რუსეთიდან შემდგომი ადმინისტრაციული გაძევებით.