შოვის ტრაგედიიდან ერთი წელი გავიდა. მეწყერის ჩამოწოლის შედეგად 30-ზე მეტი ადამიანი დაიღუპა. მათ შორის იყო დავით ბერიაშვილი.

ტრაგედიიდან ერთი წლის მერე დავით ბერიაშვილის დედა, ია მერებაშვილი სოციალურ ქსელში ტკივილით სავსე წერილს აქვეყნებს:

„როგორ მინდა, ხვალ იქ დამხვდეს და წამოვიყვანო“, – წერს ია მერებაშვილი სოციალურ ქსელში.

რაჭაში ღვარცოფი 2023 წლის 3 აგვისტოს, დაახლოებით 15:00 საათისთვის მოვარდა. 2023 წლის 24 ოქტომბრის მონაცემებით, სტიქიის ზონაში ნაპოვნია 32 ცხედარი. ბოლო დაღუპული მაშველებმა 10 სექტემბერს, მდინარე ჭანჭახის კალაპოტში იპოვეს. მაშველები დღემდე ეძებენ 33-ე დაკარგულს, არასრულწლოვან ბიჭს.