რეზონანსი
28.11.2023

როგორც Daily Mail-ი და Time წერენ, ჩინეთში ახალი რესპირატორული ვირუსი გავრცელდა. კონკრეტულად პეკინსა და ჩრდილო-აღმოსავლეთ პროვინცია ლიაონინში ბავშვთა საავამდყოფოები აივსო პატარა პაციენტებით. ექიმები უჩვეულო დაავადებასა და ატიპურ პნევმონიაზე საუბრობენ. ჩინელ ბავშვებს ერთი და იგივე სიმპტომები აქვთ: მაღალი ტემპერატურა და ფილტვების ანთება ხველის გარეშე, ჟრჟოლა და შეციება. ზოგიერთმა საავადმყოფომ უკვე უარი თქვა პაციენტების მიღებაზე, დაავადებულთა დიდი რაოდენობის გამო, რომელსაც მედპერსპონალი ვერ უმკლავდება.

მცირეწლოვნებს ორგანიზმში აღმოუჩინეს მიკროორგანიზმები Mycoplasma pneumoniae, რომელიც ატიპიურ პნევმონიას იწვევს. ეპიდემიოლოგი ჯენიფერ ნუცო, ბრაუნის უნივერსიტეტიდან აღნიშნავს, რომ ბოლო წლებში ჩინეთი არაერთხელ იქცა მასობრივი დაავადებების წყაროდ. ასე იყო 2003 წელს ატიპიური პნევმონიის შემთხვევაში და 2019 წელს - კორონავირუსის. მან მოუწოდა მსოფლიო საზოგადოებრიობას, მეტი ყურადღება მიაქციონ ახალ დაავადებას, თუმცა ისიც დასძინა, რომ ჯერ ადრეა საუბარი საშიშ ეპიდემიაზე.

მსოფლიო ჯანდაცვის ორგანიზაციამ ჩინეთს სთხოვა დაწვრილებითი ინფორმაცია მიაწოდოს ბავშვებში გახშირებული პნევმონიის შემთხვევებზე.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2024 by Resonance ltd. . All rights reserved
×