რეზონანსი
20.11.2023

მსახიობ კოსტა სანიკიძის თავდამსხმელს ბრალი დაუმძიმეს. 24 წლის გიორგი გველესიანს, გამოძიება, დამამძიმებელ გარემოებებში განზრახ მკვლელობის მცდელობას ედავება. დაკავებული დუმილის უფლებით სარგებლობს, შესაბამისად, ამ დრომდე უცნობია, რა გახდა დანაშაულის მოტივი.

დაზარალებული „კურიერთან" ამბობს, რომ თავდამსხმელს არ იცნობს. "კურიერის" ინფორმაციით, მსახიობი უკვე გამოკითხეს.

„რუსთავი 2-ის" პროექტის, „პრაიმ ჰაუსის" ყოფილ მონაწილეზე თავდასხმა გუშინ გამთენიისას, მისსავე სახლში მოხდა. კოსტა სანიკიძეს დანით რამდენიმე ჭრილობა აქვს მიყენებული.

ბრალდებულს ბრალდება სისხლის სამართლის კოდექსის 19, 109-ე მუხლის "მ" ქვეპუნქტით (განსაკუთრებული სისასტიკით ჩადენილი განზრახ მკვლელობის მცდელობა) წარედგინა, რაც სასჯელის სახედ და ზომად 16-იდან 20 წლამდე ითვალისწინებს.

ბრალდების მხარე, ბრალდებულისთვის აღკვეთის ღონისძიების სახით პატიმრობის გამოყენების შუამდგომლობით თბილისის საქალაქო სასამართლოს კანონით დადგენილ ვადაში მიმართავს.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2024 by Resonance ltd. . All rights reserved
×