რეზონანსი
20.11.2023

დაულაგებელ მოცემულობაში ვერავინ ვერაფერს დაალაგებს. ეს არის ჩვეულებრივი „ვირთხების რბოლა", ფიგურალურად თუ ვიტყვით, - ამის შესახებ „ქრონიკის" ეთერში პარლამენტის იურიდიულ საკითხთა კომიტეტის თავმჯდომარის პირველმა მოადგილემ, დავით მათიკაშვილმა განაცხადა, რითაც „ნაციონალური მოძრაობის" შიგნით მიმდინარე პროცესები შეაფასა.

„ეს არის მოცემულობა, როდესაც პარტიას არ გააჩნია რაიმე რესურსი, გარდა ადამიანების იმ კონკრეტული პროცენტის, რომელთა რიცხვიც დღითიდღე მცირდება და არავინ იცის, რა რეიტინგით მივა 2024 წლის მიწურულს „ნაცმოძრაობა". დღევანდელ ნიშნულზე რომ ვერ გაჩერდება, ეს ყველასთვის ძალიან კარგად არის გასაგები. ეს ხელოვნური ინტერვენციები და მცდელობა, შექმნან სცენა და ვითარება, მოატყუონ საზოგადოება, თითქოს „ნაცმოძრაობაში" რაღაც ჯანსაღი პროცესები მიდის, ეს არის მართლაც სასაცილო. ყველამ, ვისაც ოდნავ მაინც პოლიტიკა ესმის, ძალიან კარგად იცის და ესმის, რომ ამ პოლიტიკური კრიმინალური ძალისთვის ეს არის ბოლო სეზონი, როდესაც მათ კიდევ რაღაც პროცენტული მხარდაჭერის მიღება და ბარიერის გადალახვა შეუძლიათ არჩევნებზე. ჩვენი საზოგადოებისთვის ეს იქნება კიდევ ერთი დასტური იმისა, თუ რა უბედურებასთან გვქონდა 2012 წელს ქართულ სახელმწიფოს საქმე", - აღნიშნა მათიკაშვილმა.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2024 by Resonance ltd. . All rights reserved
×