რეზონანსი
20.11.2023

2023 წლის მესამე კვარტალში, წინა წლის მესამე კვარტალში დაფიქსირებული მნიშვნელოვანი პოზიტიური ტენდენციების შემდეგ, დასაქმების მზარდი დინამიკა გაგრძელდა. ასევე გაიზარდა სამუშაო ძალა. 2023 წლის მესამე კვარტალში დასაქმებულთა რაოდენობა 7.7 ათასით გაიზარდა და კვარტალურ ჭრილში რეკორდულ მაჩვენებელს 1 366.3 ათასს მიაღწია. ასევე რეკორდულია დასაქმების დონეც და 45.3%-ს შეადგენს, - განაცხადა ეკონომიკისა და მდგრადი განვითარების მინისტრის მოადგილე ვახტანგ ცინცაძემ.

მინისტრის მოადგილის განცხადებით, უკვე მესამე წელია საქართველოში გრძელდება მაღალი ეკონომიკური ზრდის ტენდენციები და ამ მაჩვენებლით საქართველო ლიდერია, როგორც ფართო რეგიონის ასევე ევროპის ქვეყნებს შორის ეკონომიკური ზრდის თვალსაზრისით, რაც პოზიტიურად აისახება შრომის ბაზრის ტენდენციებზე.

„2023 წლის მესამე კვარტალში 29,300-ით გაიზარდა დაქირავებით დასაქმებულთა რაოდენობა, თვითდასაქმებულთა რაოდენობა შემცირებულია, რაც კიდევ ერთხელ მიანიშნებს, რომ თვითდასაქმებულები დაქირავებით დასაქმებულთა რიგებში გადადიან. ჩვენ ველოდებით, რომ მომდევნო წლებშიც გაგრძელდება ეკონომიკური ზრდის ტენდენცია, რაც თავისთავად პოზიტიურად აისახება როგორც დასაქმებულთა რაოდენობის ზრდაზე, ასევე სიღარიბის შემცირებაზე", - განაცხადა მინისტრის მოადგილემ.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2024 by Resonance ltd. . All rights reserved
×