რეზონანსი
03.06.2023

დიდუბე, ოკრიბა და ბათუმის ე.წ. ფარეხის ავტოსადგური 2025 წლის მაისამდე თანამედროვე ტიპის სადგურებად უნდა გადაკეთდეს.

ანტისანიტარია, მოსაცდელების არარსებობა და ქაოსი, მგზავრებსა და მძღოლებს მთელი ქვეყნის მასშტაბით, უკვე წლებია დისკომფორტს უქმნის. საქართველოში მდებარე ავტოსადგურების უმეტესობაში ასევე არ არის დაცული მგზავრთა უსაფრთხოების ნორმებიც. ოკრიბას ავტოსადგურის კრიტიკულ მდგომარეობაზე "კურიერის" რესპონდენტებიც საუბრობენ, არსებული მდგომარეობა დისკომფორტს თავად მძღოლებსაც უქმნის.

მთავრობის გადაწყვეტილებით, ქვეყანაში ავტოსადგურების კლასებად დაყოფა და მათი მოდერნიზაცია იწყება. უკვე ცნობილია, რომ დიდ ქალაქებში, მათ შორის ტურისტების ინტერესების გათვალისწინებით, პირველი კლასის სადგურები მოეწყობა. ხელისუფლება პირობას დებს, რომ მოთხოვნების გამკაცრების მიუხედავად, მგზავრობის საფასური არ გაიზრდება.

"საავტომობილო ტრანსპორტის შესახებ" კანონში შესატანი ცვლილებები პარლამენტს განსახილველად უკვე გადაეგზავნა.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2024 by Resonance ltd. . All rights reserved
×