რეზონანსი
26.03.2023

საქართველოს საგარეო საქმეთა მინისტრმა ილია დარჩიაშვილმა, საქართველოს სრულუფლებიან ელჩს უკრაინაში და იმ პირებს ვინც ომის პერიოდში უკრაინაში რჩებიან, ღირსეულად გაწეული დიპლომატიური სამუშაოსთვის მადლობა გადაუხადა.

დარჩიაშვილის თქმით, საქართველომ უკრაინელი ხალხის დასახმარებლად ძალიან ბევრი აქტივობა განახორციელა და ეს პროცესი დღესაც გრძელდება.

"საქართველოს საელჩო კიევში ძალიან აქტიურად მუშაობს ამ რთულ პერიოდში. მინდა ვისარგებლო შემთხვევით და ჩვენს ელჩს, თითოეულ დიპლომატს მადლობა გადავუხადო ამ ძალიან რთულ პერიოდში, ძალიან ღირსეულად ჩატარებული აქტივობებისთვის და დიპლომატიური საქმიანობისთვის კიევში. მე მქონდა შესაძლებლობა რამდენჯერმე საერთაშორისო ღონისძიებების ფორმატში, ჩემს კოლეგასთან შეხვედრის და მასთან საუბრის. ზოგადად ჩვენ ომის დაწყების დღიდან, უკრაინელი ხალხის დასახმარებლად ძალიან ბევრი რამე გავაკეთეთ და გრძელდება ეს პროცესი. ჩვენი დახმარება გამოიხატებოდა ორ მთავარ განზომილებაში, ეს არის უკრაინელი ხალხის დახმარება ჰუმანიტარული თვალსაზრისით, იცით რომ ჩვენ საქართველოშიც გვყავს უკრაინელები, რომლებისთვისაც მაქსიმალურად ვცდილობთ დახმარებას, რათა შევუმსუბუქოთ ის ტკივილი, რომელიც მათ ომიდან გამომდინარე მიიღეს. ჩვენ ასევე ვცდილობთ მაქსიმალურად სოლიდარულები ვიყოთ უკრაინის მისამართით ჩვენი დიპლომატიური არხებით ვცდილობთ დახმარებას, ძალიან ბევრ რეზოლუციას თუ განცხადებას მიუერთდა საქართველო საერთაშორისო პარტნიორებთან ერთად. სულ ახლახან დავბრუნდი ნიუ-იორკიდან სადაც გაიმართა სპეციალური სესია გაეროში, რომელიც უკრაინას მიეძღვნა. მიღებულ იქნა რეზოლუცია უკრაინასთან მიმართებაში და სწორედ ამ რეზოლუციის თანასპონსორი იყო საქართველო", - განაცხადა ილია დარჩიაშვილმა.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2024 by Resonance ltd. . All rights reserved
×