დეოლიგარქიზაციის შესახებ კანონპროექტს მმართველი გუნდი მესამე მოსმენიდან მეორეზე აბრუნებს. ამის მიზეზად ვენეციის კომისიის რეკომენდაციების გათვალისწინება და მასში შესაბამისი ცვლილებების შეტანა სახელდება.

პარალელურად, საკანონმდებლო ორგანოში ეუთო/ოდირის დასკვნას ელოდებიან, რის შემდეგაც საკომიტეტო განხილვები კვლავ განახლდება.

ოპოზიციის განცხადებით, ვენეციის კომისიის დასკვნა ფუნდამენტურია, რომელიც უნდა გაითვალისწინოს "ქართულმა ოცნებამ", რათა აღნიშნული კანონპროექტი ევროკავშირის მე-5 პუნქტის შესაბამისი იყოს.

როგორც ცნობილია, "ნაციონალური მოძრაობა" კვლავ ბოიკოტის რეჟიმშია და დოკუმენტის განხილვაში მონაწილეობას არ მიიღებს.