რეზონანსი
25.01.2023

ესპანეთის შინაგან საქმეთა სამინისტროს ინფორმაციით, პოლიციამ დააკავა 74 წლის კაცი, რომელიც ეჭვმიტანილია ნოემბერსა და დეკემბერში უკრაინისა და აშშ-ის საელჩოებში, ასევე ესპანეთის რამდენიმე დაწესებულებაში ასაფეთქებლის შემცველი ამანათების გაგზავნაში.

Reuters-ის ცნობით, კაცმა 24 ნოემბრიდან 2 დეკემბრის პერიოდში უწყებებში ჯამში ასაფეთქებელი ნივთიერებების შემცველი 6 ამანათი გაგზავნა. მათ შორის, ისინი გაუგზავნა ესპანეთის პრემიერმინისტრს, სამთავრობო და ევროკავშირის ოფისებს, ასევე მადრიდში აშშ-სა და უკრაინის საელჩოებს. უკრაინის საელჩოში მოწყობილობის აფეთქების შედეგად ერთი ადამიანი დაშავდა. აფეთქება 30 ნოემბერს მოხდა.

ეჭვმიტანილის დაკავებამდე სამი დღით ადრე New York Times-მა გაავრცელა ინფორმაცია, რომ ბოლო კვირების განმავლობაში გამოძიება რუსული იმპერიული მოძრაობის გარშემო მიმდინარეობდა.დაჯგუფებას კავშირი აქვს ესპანეთის რადიკალურ მემარჯვენე ორგანიზაციებთან. Reutrers წერს, რომ იგი სავარაუდოდ, რუსეთის დაზვერვასთან თანამშრომლობს.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2024 by Resonance ltd. . All rights reserved
×