ადვოკატ შალვა ხაჭაპურიძის ინფორმაციით, მიხეილ სააკაშვილს კორონავირუსი დაუდასტურდა:
„მიხეილ სააკაშვილს კორონავირუსი დაუდასტურდა. არ არის გამორიცხული რეანიმაციაში გადაიყვანონ“, - ამბობს სააკაშვილის ადვოკატი.
როგორც PIA.GE-სთან საუბარში კლინიკა „ვივამედის“ დირექტორმა ნინო ნადირაძემ განაცხადა, უცნობია თუ ვისგან გადაედო სააკაშვილს კორონავირუსი.
„ამ წუთში ბათუმში ვარ და ზუსტი ინფორმაცია არ მაქვს. უბრალოდ, ვერ გავიგეთ საიდან ინფიცირდა... ჩვენ ექთანზე, ვისზეც გვქონდა ეჭვი, მას PCR ტესტით არ დაუდასტურდა კოვიდი, არც სტაფს, ვისთანაც შეხება ჰქონდა. ამიტომ, მოძიების პროცესში ვართ. ჯერჯერობით, ინფექციონისტმა გასინჯა და მკურნალობა დაწყებულია", - აცხადებს ნადირაძე.