რეზონანსი
07.10.2022

ვინაიდან ეს არის ევროპული ქვეყნების გამაერთიანებელი პლატფორმა, ამ გაერთიანებაში ჩვენი მნიშვნელოვანი ადგილის დამკვიდრებით, ევროკავშირში გაწევრიანებისთვის ნაბიჯებს გადავდგამთ, - ამის შესახებ პარლამენტის საგარეო ურთიერთობათა კომიტეტის თავმჯდომარე ნიკოლოზ სამხარაძემ, პრაღაში ევროპული პოლიტიკური გაერთიანების სამიტზე საუბრისას განაცხადა.

სამხარაძის თქმით, პრემიერ-მინისტრის პრაღაში შეხვედრები დამატებითი შესაძლებლობაა, ურთიერთობების მაღალ დონეზე შესანარჩუნებლად.

„ეს არის ევროპის პოლიტიკური თანამშრომლობის თაობაზე ახალი ფორმატი, რომლის კონტურებიც პრაღაში გამოიკვეთა. ჯერ დანამდვილებით არ ვიცით, საბოლოოდ, რა სახეს მიიღებს, მაგრამ ჩვენთვის მნიშვნელოვანია ამ ფორმატის გამოყენება ჩვენი ქვეყნის ევროპაში ინტეგრაციისთვის. გუშინ სწორედ ასეთი შესაძლებლობა იყო, პრემიერ-მინისტრს ძალიან კარგი შეხვედრები ჰქონდა. ეს არის დამატებითი შესაძლებლობა, რომ ურთიერთობები მაღალ დონეზე შენარჩუნდეს. როგორც ვხედავთ, ამ პლატფორმას ჯერ აქვს ის მნიშვნელობა, რომ თანამოაზრე ქვეყნები ერთმანეთს დააახლოოს. ეს ფორმატი უშუალოდ ევროკავშირში ინტეგრაციისთვის პირდაპირ მექანიზმად ვერ დავაკავშიროთ, მაგრამ გუშინ პრეზიდენტმა მაკრონმა საინტერესო რამე თქვა - ევროპა ეს არის ისლანდიიდან კავკასიის კონტინენტი ჩათვლით და ამ ქვეყნებს საერთო ღირებულებები აერთიანებთ. ამ შეხვედრას ევროპიდან მხოლოდ ორი ქვეყანა არ ესწრებოდა - რუსეთი და ბელარუსი. ვინაიდან, ეს არის ევროპული ქვეყნების გამაერთიანებელი პლატფორმა, ამ გაერთიანებაში ჩვენი მნიშვნელოვანი ადგილის დამკვიდრებით ევროკავშირში გაწევრიანებისთვის ნაბიჯებს გადავდგამთ", - განაცხადა სამხარაძემ.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2022 by Resonance ltd. . All rights reserved
×