რეზონანსი
07.10.2022

ალა პუგაჩოვას შვილიშვილი ნიკიტა პრესნიაკოვი სამხედრო მობილიზაციას დაექვემდებარა. ის ჯარში პირდაპირ თეატრიდან, რეპეტიციის მიმდინარეობისას წაიყვანეს. ამის შესახებ რუსული მედია თეატრთან დაახლოებულ წყაროზე დაყრდნობით წერს.

თეატრის პრესსამსახური და პრესნიაკოვის პიარ-მენეჯერი კომენტარის გაკეთებისგან თავს იკავებენ.

რუსული მედია წერს, რომ მობილიზაციას შეიძლება დაექვემდებაროს ალა პუგაჩოვას მეორე შვილიშვილი, 24 წლის დენი ბაისაროვიც, რადგან მას აქვს შესაბამისი სამხედრო სპეციალობა, ის კადეტთა სასწავლებლის კურსდამთავრებულია.

თავად ალა პუგაჩოვა და მისი მეუღლე მაქსიმ გალკინი შვილებთან ერთად ისრაელში იმყოფებიან. რუსული შოუ-ბიზნესის ვარსკვლავებს ქვეყნის დატოვება უკრაინაში რუსეთის აგრესიის დაგმობის გამო მოუწიათ.

რუსეთის ფედერაციის იუსტიციის სამინისტრომ ალა პუგაჩოვას მეუღლე, ტელეწამყვანი და არტისტი მაქსიმ გალკინი „უცხოელი აგენტების" სიაში შეიყვანა. რუსეთის იუსტიციის სამინისტრო ირწმუნება, რომ გალკინი პოლიტიკურ საქმიანობას ეწევა და ამავდროულად უცხოეთიდან, კერძოდ კი უკრაინიდან, იღებს დაფინანსებას. ამის შემდეგ ალა პუგაჩოვამ რუსეთის ხელისუფლებას მოუწოდა, რომ ისიც შეეყვანათ „უცხოელი აგენტების" სიაში.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2022 by Resonance ltd. . All rights reserved
×