რეზონანსი
04.10.2022

რუსეთში ნაწილობრივი მობილიზაციის გამოცხადების შემდეგ ქვეყანა 600-700 ათასმა ადამიანმა დატოვა. ამის შესახებ გამოცემა Forbes-ის რუსული რედაქცია კრემლში საკუთარ წყაროზე დაყრდნობით წერს.

მისივე თქმით, ამასთანავე, შეუძლებელია იმის თქმა, რამდენი მათგანი გაემგზავრა ქვეყნიდან ტურისტული მიზნით და რამდენის წასვლა არის გამოწვეული უშუალოდ მობილიზაციის გამოცხადებით.

კრემლთან დაახლოებულმა კიდევ ერთმა წყარომ გამოცემას განუცხადა, რომ ნაწილობრივი მობილიზაციის გამოცხადების შემდეგ რუსეთიდან თითქმის მილიონი ადამიანი წავიდა.

ღია წვდომაში არსებული ინფორმაციის თანახმად, რუსეთიდან ყაზახეთში, საქართველოში, ფინეთში, ყირგიზეთსა და მონღოლეთში 300 000-ზე მეტი ადამიანი წავიდა. რუსეთის მოქალაქეებს შორის პოპულარულ მიმართულებებს ასევე წარმოადგენს სომხეთი, უზბეკეთი, ტაჯიკეთი, აზერბაიჯანი, თურქეთი, ეგვიპტე და არაბთა გაერთიანებული საამიროები, თუმცა ამ ქვეყნებში ჩასული რუსეთის მოქალაქეების შესახებ სტატისტიკური ინფორმაცია არ გასაჯაროებულა.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2022 by Resonance ltd. . All rights reserved
×