"ვერც ერთმა ოპონენტმა პარტიამ ვერ გაბედა კანდიდატურის დასახელება გამომდინარე იქიდან, რომ ისინი ძალიან კარგად ხედავენ კონტექსტს, საერთო ფონს, საზოგადოების განწყობას - განაცხადა "ქართული ოცნების" თავმჯდომარე ირაკლი კობახიძემ "იმედის" ეთერში, სენაკის საკრებულოს შუალედურ არჩევნებზე საუბრისას.
ირაკლი კობახიძემ გამარჯვება მიულოცა "ქართული ოცნების" კანდიდატს და აღნიშნა, რომ სენაკში არჩევნების მოგება პრინციპული იყო, რადგან ამ მუნიციპალიტეტში უმრავლესობის საკითხი წყდებოდა.
"ვერც ერთმა ოპონენტმა პარტიამ ვერ გაბედა კანდიდატურის დასახელება გამომდინარე იქიდან, რომ ისინი ძალიან კარგად ხედავენ კონტექსტს, საერთო ფონს, საზოგადოების განწყობას და აქედან გამომდინარე, იოლად მოვიპოვეთ გამარჯვება ამ არჩევნებში. ჩვენს კანდიდატს მივულოცავ გამარჯვებას. ძალიან პრინციპული იყო ჩვენთვის სენაკში არჩევნების მოგება, იმიტომ, რომ უმრავლესობის საკითხი წყდებოდა ამ მუნიციპალიტეტში. ამ გამარჯვებით ჩვენ ვახერხებთ უკვე სენაკის მუნიციპალიტეტში მყარი უმრავლესობის ჩამოყალიბებას," - განაცხადა ირაკლი კობახიძემ.