უკრაინის პრეზიდენტმა, ვოლოდიმირ ზელენსკიმ განაცხადა, რომ რუსეთთან მოლაპარაკებები შესაძლებელია მხოლოდ მაშინ, როდესაც რუსული ჯარები უკრაინის უკანონოდ ოკუპირებულ ტერიტორიას დატოვებენ.

დღეს თურქეთის პრეზიდენტმა რეჯეფ თაიფ ერდოღანმა, უკრაინის პრეზიდენტმა ვოლოდიმირ ზელენსკიმ და გაეროს გენერალურმა მდივანმა ანტონიო გუტერეშმა სამმხრივი შეხვედრის შემდეგ ერთობლივი პრესკონფერენცია გამართეს.

„საერთაშორისო თანამეგობრობამ მეტი პასუხისმგებლობა უნდა აიღოს დიპლომატიური პროცესის გაცოცხლების მიზნით. ვინარჩუნებ რწმენას, რომ ომი საბოლოოდ დასრულდება მოლაპარაკებების მაგიდასთან. [...] ჩვენ უნდა განვსაზღვროთ უმოკლესი და სამართლიანი გზა მოლაპარაკების მაგიდამდე", - აღნიშნა თურქეთის ლიდერმა.