უკრაინის თავდაცვის მინისტრმა, ალექსეი რეზნიკოვმა განაცხადა, რომ უკრაინის შეიარაღებული ძალები თანმიმდევრულად გაათავისუფლებენ ყველა ოკუპირებულ ტერიტორიას, მათ შორის ყირიმს.
ალექსეი რეზნიკოვის თქმით, რუსეთთან ერთადერთი შესაძლო ტერიტორიული კომპრომისი 1991 წლის მდგომარეობით უკრაინის საზღვრებზე გასვლაა.
უკრაინის თავდაცვის უწყების ხელმძღვანელმა ხაზგასმით აღნიშნა, რომ უკრაინას ფრონტის სტაბილიზირება სჭირდება, რათა გენერალურმა შტაბმა აირჩიოს კონტრშეტევისთვის ყველაზე ხელსაყრელი მეთოდები და მიმართულებები.
„ჩვენ გვჭირდება კონტრშეტევა ტერიტორიების გასათავისუფლებლად. ჩვენი ხალხი და პარტნიორები ელიან აქტიურ მოქმედებას, ჩვენმა პარტნიორებმა უნდა იცოდნენ, რომ ამისთვის მეტი იარაღი გვჭირდება. ჩვენი მთავარი მიზანი 1991 წლის ფარგლებში ყველა დროებით ოკუპირებული ტერიტორიის გათავისუფლებაა", - განაცხადა რეზნიკოვმა.