რეზონანსი
10.08.2022

სექსუალური და ფიზიკური ძალადობა, შვილების გაუპატიურების და მკვლელობის მუქარა და პირადი ცხოვრების კადრებით შანტაჟი - უმძიმესი დანაშაულის მსხვერპლი "კურიერს" უყვება, რომ მეგობარი მამაკაცისგან წამებას 3 თვე შიშის გამო იტანდა. ქალმა პოლიციას მომხდარი მხოლოდ მას შემდეგ უამბო, რაც მოძალადემ ინტიმური ფოტოები მის შვილებს და ნათესავებს სოციალურ ქსელში გაუგზავნა. მსხვერპლი ახლა მძიმე ფსიქოლოგიურ მდგომარეობაშია, მოძალადე კი ციხეში. დაზარალებული დეტალურად ყვება, როგორ სცემდა მამაკაცი, რომელიც სოციალური ქსელით გაიცნო და დაუმეგობრდა.

"კურიერმა" დახურული სხდომიდან საქმის მასალები მოიპოვა, რომელიც მოძალადის შემზარავ ქმედებებს ადასტურებს. მათ შორის არის ბრალდებული კაცის მიმოწერები მსხვერპლის ოჯახთან. მიუხედავად ამ მტკიცებულებებისა, დაკავებული ბრალს უარყოფს და დუმილის უფლებას იყენებს.

სასამართლო საქმის არსებით განხილვას რამდენიმე დღეში დაიწყებს. გამოძიება დაკავებულს 7 მუხლით ედავება.

უმძიმესი საქმე ერთადერთი არაა, რომლის განხილვაც ქართულ სასამართლოებში მიმდინარეობს. უფლებადამცველები ქალთა მიმართ ძალადობის მძიმე სტატისტიკაზე საუბრობენ. მსხვერპლ და პოტენციურ მსხვერპლ ქალებს კი, დახმარებას ჰპირდებიან.

35 წლის მამაკაცს, რომელიც მეგობარ ქალზე ინტენსიურად ძალადობდა, 9 წლიანი სასჯელი ელის. მისი საქმის არსებით განხილვას სასამართლო 22 აგვისტოს დაიწყებს.

"რუსთავი 2"

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2024 by Resonance ltd. . All rights reserved
×