საქართველოსთან მიმართებით თქვეს, რომ დიახ, არის გარკვეული რეკომენდაციები, რომ ჩვენ ახლა მოგვცემენ პერსპექტივას, ეს მნიშვნელოვანია. კონკრეტული 12-პუნქტიანი გეგმა უნდა შევასრულოთ, - ამის შესახებ საპარლამენტო უმრავლესობის წევრმა, ირაკლი ზარქუამ განაცხადა.
„ესენი კი ცდილობენ, რომ ამ ყველაფერს ხაზი გადაუსვან, ჩიხში შეიყვანონ ქვეყანა. ვეუბნები, რომ აგერ არის კონკრეტული პუნქტები, რომლებიც შესასრულებელია, მიიღე მონაწილეობა. იქ პირველ პუნქტად დეპოლარიზაცია წერია, რაც ნიშნავს რომ კონსტრუქციულ ნაწილში გადახვიდე, ეს სჭირდება დღეს ქვეყანას, რომ ერთად ვიმუშაოთ და შენ რას აკეთებ - მიტინგს აწყობ, ითრევ ახალგაზრდებს, ატყუებ საზოგადოებას და შენი ინტერესებია პატიმარი სააკაშვილის გათავისუფლება, გვარამიას გათავისუფლება და ა.შ. არსად უთქვამს ეს ევროკომისიას. ესაა თავიანთი მერკანტილური ინტერესები", - აღნიშნა ზარქუამ.