რეზონანსი
02.07.2022

რუსი ოკუპანტების მიერ ოდესის ოლქის სოფელ სერგეევკაზე განხორციელებული სარაკეტო იერიშის შედეგად დაღუპულთა ხსოვნის პატივსაცემად, ოლქის ტერიტორიაზე 2 ივლისი გლოვის დღედ გამოცხადდა, - ინფორმაციას უკრაინული მედია ავრცელებს.

მათივე ცნობით, ოდესის ოლქის სამხედრო ადმინისტრაციის ხელმძღვანელმა, მაქსიმ მარჩენკომ ხელი მოაწერა ბრძანებას, რომლის თანახმად, დღეს, გლოვის ნიშნად, ადგილობრივი თვითმმართველობის, საწარმოების, დაწესებულებებისა და ორგანიზაციების სახლებსა და შენობებზე სახელმწიფო დროშები დაეშვება.

ცნობილია, რომ 1-ელი ივლისის ღამეს რუსული ძალები ოდესის ოლქის ბელგოროდ-დნესტროვსკის რაიონის სოფელ სერგეევკას დაესხნენ თავს. რაკეტები ცხრასართულიან საცხოვრებელ კორპუსსა და რეკრეაციულ ცენტრს მოხვდა. დაღუპულთა რიცხვი 21-მდე გაიზარდა.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2022 by Resonance ltd. . All rights reserved
×