რეზონანსი
19.05.2022

„ბიძინა ივანიშვილის დასანქცირება მოხდება მაშინ, როდესაც დასავლეთი მას ეჭვმიტანილად ცნობს რუსეთთან დაკავშირებით, - ამის შესახებ „ერთიანი ნაციონალური მოძრაობის" ერთ-ერთმა ლიდერმა, ხატია დეკანოიძემ „პალიტრანიუსის" გადაცემა „პოლიტიკურ სივრცეში" განაცხადა.

დეკანოიძის შეფასებით, სამყარო ორ ნაწილად გაიყო - დასავლეთი და რუსეთი და „ცივილიზაცია ასეთ გადახვევებს არავის აპატიებს."

ოპოზიციონერი პოლიტიკოსის თქმით, კვლევების მიხედვით, საქართველოს მოსახლეობის დაახლოებით 80% დასავლეთის მომხრეა და ამ არჩევანის წართმევას საქართველოს მოქალაქეები არ შეეგუებიან.

„ბიძინა ივანიშვილის დასანქცირება მოხდება მაშინ, როდესაც დასავლეთი მას ეჭვმიტანილად ცნობს რუსეთთან დაკავშირებით. ძალიან ბევრი ოლიგარქი არის დასანქცირებული, რადგან მათ კავშირები აქვთ რუსეთთან. შესაბამისად, ის, რომ ოლიგარქი ჩამოცილდეს მმართველობას, ეს არის ევროპისკენ მიმავალი გზა. უკრაინასთან მიმართებაში ყველაფერი არის შავი და თეთრი. არ არსებობს რუხი ზონა, სადაც ბიძინა ივანიშვილი მანევრირებას შეძლებს, რადგან სამყარო გაიყო, - აქეთ არის რუსეთი, იქით არის დასავლური სამყარო. ცივილიზაცია ასეთ გადახვევებს არავის აპატიებს.

ყველა კვლევა ამას აჩვენებს, რომ საქართველოს მოქალაქეების 80%-მდე არის დასავლეთის დ ევროპის მომხრე. შესაბამისად, ამ არჩევანის წართმევას საქართველოს მოქალაქეები არ შეეგუებიან. თუ დასავლეთი აქამდე სიფრთხილით ეკიდებოდა, დღეს ყველა ხვდება, რომ პუტინს გააჩნია მხოლოდ ერთი გამოსახულება, რომელიც ვნახეთ ბუჩაში, ირპენში და ა.შ. ამერიკა და დასავლეთი ძალიან დიდ ინვესტიციას დებს უკრაინის გადარჩენაში და რუსეთის დასუსტებაში, არავის აპატიებს რუსეთთან კავშირს, არც ამ ანტიდასავლურ განწყობებს", - განაცხადა ხატია დეკანოიძემ.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2022 by Resonance ltd. . All rights reserved
×