რეზონანსი
25.10.2021

დედაქალაქის მოქმედი მერის, კახა კალაძის შეფასებით, ცალკეული ინციდენტების გარდა, საერთო ჯამში, წინასაარჩევნო კამპანია მშვიდ ვითარებაში მიმდინარეობს.

მისივე თქმით, „ქართული ოცნება" არის ერთადერთი პარტია, რომელსაც საარჩევნო კამპანიის დროს კონკრეტული სამოქმედო გეგმა აქვს.

„საერთო ჯამში, საარჩევნო გარემო მშვიდ ვითარებაში მიმდინარეობს, თუ არ ჩავთვლით ცალკეულ ინციდენტებს, იმას, რომ ზოგიერთი პოლიტიკური პარტიის ლიდერი ცემს ამომრჩეველს. პირდაპირი, სრული ამ სიტყვის მნიშვნელობით, წიხლებს ურტყამს და ფიზიკურად უსწორდება, რაც ძალიან მძიმეა და ამას აუცილებლად უნდა მოჰყვეს სამართლებრივი რეაგირება. სხვა შემთხვევაში, მიმდინარეობს მშვიდ ვითარებაში.

ზოგი ესაუბრება ამომრჩეველს კონკრეტული ხედვებით, პროგრამებით, ზოგს საერთოდ არაფერი აქვს და ბრტყელ ბრტყელ სიტყვებს ურახუნებენ, საერთოდ ხედვა არ აქვთ ქალაქთან დაკავშირებით, რა სჭირდება ამ ქალაქს, რა სჭირდება თბილისელებს, რა გამოწვევებია, რა პრობლემებია. მთელი კამპანიის განმავლობაში მგონი, ერთადერთი პოლიტიკური პარტია ვიყავით, რომელსაც კონკრეტული, გაწერილი გეგმა ჰქონდა, კონკრეტული პროექტებით, რაიონების, ქუჩების მიხედვით, პროექტების დასახელებით, რომელიც ბიუჯეტშია გაწერილი. დანარჩენი ყველა საუბრობდა ყველაფერზე, გარდა თბილისსა და თბილისელებზე", - განაცხადა კახა კალაძემ.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია

Copyright © 2006-2021 by Resonance ltd. . All rights reserved
×