რეზონანსი
17.01.2021

საქართველოს განათლების, მეცნიერების, კულტურისა და სპორტის მინისტრის მოადგილის ეკატერინე დგებუაძის განცხადებით, ხვალიდან საქართველოს 10 ქალაქში სასწავლო პროცესი დისტანციურ რეჟიმში გაგრძელდება.

„რაც შეეხება სხვა მუნიციპალიტეტებსა და სოფლად არსებულ საჯარო სკოლებს, აქ სასწავლო პროცესი აღდგება საკლასო ოთახში, თუმცა იმ შემთხვევაში, თუ განათლების სამინისტროს მომართავს საგანმანათლებლო რესურს ცენტრი ან სკოლა, იქნება დასაბუთებული, რატომ უნდა გადავიდეს კონკრეტული სკოლა დისტანციურზე, სამინისტრო ამ შემთხვევაში მას გადაიყვანს დისტანციურ სწავლებაზე. სხვა შემთხვევაში სასწავლო პროცესი საკლასო ოთახებში განახლდება“, – განაცხადა დგებუაძემ.

მისივე თქმით, სკოლები, სადაც სასწავლო პროცესი საკლასო ოთახებში განახლდება, მომზადებული არიან და ჯანდაცვის სამინისტროს ყველა რეკომენდაცია მათი მხრიდან შესრულებულია.

„რაც შეეხება მზაობას, მზაობა არსებობს, მომზადებულები არიან სკოლები, ყველა ის რეკომენდაცია, რომელიც ჯანდაცვის სამინისტრომ სკოლებს დაუწერა, არის შესრულებული. რა თქმა უნდა, გაზაფხულიდან მოყოლებული საჭიროებისამებრ ვცვლით, გადავდივართ დისტანციურზე, ან ვბრუნდებით საკლასო ოთახებში, თუ იქნება ეპიდემიოლოგების რეკომენდაცია“, – აღნიშნა ეკატერინე დგებუაძემ.

ეკატერინე დგებუაძის განმარტებით, ხვალიდან ასევე აღდგება ონლაინგაკვეთილები „ტელესკოლის“ ფორმატში.

„განათლების სამინისტროს და საქართველოს პირველი არხის ერთობლივი პროექტი ამ პროცესში ისევ ერთ-ერთი დამხმარე კომპონენტი იქნება“, – დასძინა ეკატერინე დგებუაძემ.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (0)
ჩაწერა სახელი

Copyright © 2006-2021 by Resonance ltd. . All rights reserved
×

sesionArray ( [s_logi] => rezoni_index )
cookieArray ( )