რეზონანსი
27.11.2020

უწყებათაშორის საკოორდინაციო საბჭოსთან არსებული საოპერაციო შტაბის უფროსის მოადგილის ბერდია სიჭინავას განცხადებით, კორონავირუსის დღეს გამოვლენილი 4 780 ახალი შემთხვევიდან 1 863 თბილისში დადასტურდა.

სიჭინავამ მთავრობის ადმინისტრაციაში გამართულ ბრიფინგზე პანდემიასთან დაკავშირებულ დეტალებსა და რეგიონებში არსებულ სიტუაციაზე ისაუბრა:

„დღეის მდგომარეობით, ბოლო 24 საათის განმავლობაში გამოვლენილია ვირუსით ინფიცირების 4 780 ახალი დადასტურებული შემთხვევა. ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 123 470-ს.

ბოლო 24 საათში გამოჯანმრთელდა 3 489 პირი, ხოლო ჯამში გამოჯანმრთელებულთა რაოდენობა გაიზარდა - 102 270-მდე.

სამწუხაროდ, უკანასკნელი 24 საათის განმავლობაში გვაქვს კორონავირუსით გარდაცვალების 37 ახალი შემთხვევა. 2020 წლის 26 თებერვლიდან დღემდე სულ გვაქვს 1 161 გარდაცვალების შემთხვევა.

დღეს გამოვლენილი ინფიცირების 4 780 ახალი შემთხვევიდან, დედაქალაქისა და რეგიონების მიხედვით მაჩვენებლები გამოიყურება შემდეგი სახით: თბილისში გამოვლენილია 1 863 შემთხვევა, აჭარაში - 664, იმერეთში - 648, ქვემო ქართლში - 319, შიდა ქართლში - 259, გურიაში - 102, სამეგრელო - ზემო სვანეთში - 385, კახეთში - 280, მცხეთა-მთიანეთში - 128, სამცხე-ჯავახეთში - 89, რაჭა-ლეჩხუმსა და ქვემო სვანეთში - 43", - განაცხადა სიჭინავამ.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (2)
ჩაწერა სახელი
ბუბუ   (28.11.2020)
იმედია მალე გადაივლის ეს ვირუსი რა!“

მაკა   (28.11.2020)
მალე გამოჯანრმთელებას ვუსურვებ ყველას უკლებლივ


Copyright © 2006-2021 by Resonance ltd. . All rights reserved
×