რეზონანსი
24.11.2020

ანსამბლი „ქსოვრელები" TV პირველში, ეკა მიშველაძის გადაცემაში მონაწილეობაზე განცხადებას ავრცელებს.

„23 ნოემბერს ანსამბლი „ქსოვრელები" მიწვეული იყო TV პირველ-ში მუსიკალური ნომრების შესასრულებლად. აღმოჩნდა, რომ ანსამბლი მონაწილეობას იღებდა პოლიტიკურ თოქშოუში, რომელიც გავიდა პირდაპირ ეთერში.

ხაზგასმით აღვნიშნავთ და სრული პასუხისმგებლობით ვაცხადებთ, რომ ანსამბლი „ქსოვრელები" სრულად ემიჯნება პოლიტიკას და არავითარი ინტერესი განვითარებულ პროცესებში არ გააჩნია. ანსაბლის არცერთი წევრი, როგორც უფროსი, ასევე უმცროსი თაობიდან არასოდეს ყოფილა დაკავშირებული პოლიტიკასთან.

23 ნოემბრის გადაცემაში მონაწილეობის საკითხი არ იყო შეთანხმებული არც ანსამბლის "პროდიუსინგთან" და არც საზოგადოებასთან ურთიერთობის სამსახურთან. ტელევიზიიდან კონტაქტი განხორციელდა მუსიკალურ ხელმძღვანელთან, რომელმაც ჩათვალა, რომ მიწვეული იყო მუსიკალურ გადაცემაში გიორგობის დღესასწაულთან დაკავშირებით. გადაცემის შინაარსი ანსამბლის წევრებისთვის ცნობილი გახდა პირდაპირ ეთერში.

იმისათვის რომ არ მოხდეს რაიმე სახით დაკავშირება პოლიტიკურ პროცესებთან და ამან არ გამოიწვიოს ქსოვრელების გულშემატკივრების და მსმენელების გულისტკივილი, კიდევ ერთხელ დაბეჯითებით ვემიჯნებით პოლიტიკას და გადაცემის შინაარსს.

შეგახსენებთ, რომ ანსამბლი „ქსოვრელები" არის მედუდუკეთა გუნდი, რომელიც 60 წელზე მეტია ემსახურება ქართულ საქმეს, იცავს ერის საგანძურს და ავრცელებს დუდუკის ჰანგებს, ხელს უწყობს სიძველის შენარჩუნებას და ამავდოულად ქართული მუსიკის განვითარებას. თითოეულ მოქალაქეს ვაფასებთ მათი ჰუმანურობით, ჩვენი შექმნილი მუსიკის სიყვარულით და არა პოლიტიკური თუ სხვა შეხედულებებით ანდა სოციალური კუთვნილებით.

ანსამბლი „ქსოვრელები" რჩება ხელოვნების განუხრელ მსახურად და მზად არის მომავალშიც ითანამშრომლოს ყველა ტელევიზიასთან, რადიოსთან, მასობრივი ინფორმაციის საშუალებებთან მხოლოდ მუსიკალური და გასართობი გადაცემების ფორმატში", - ნათქვამია განცხადებაში, რომელსაც "მედია ცენტრი მთავარი" ავრცელებს.

შეგახსენებთ, tv პირველის" წამყვანმა, ეკა მიშველაძემ გადაცემა ზურნა-დუდუკის ფონზე დაიწყო და განაცხადა, რომ მთავრობას, რომელიც კრიზისებს ვერ მართავს საზეიმოდ აქვს საქმე

 

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (3)
ჩაწერა სახელი
???   (25.11.2020)
ეხლა რომ ბჟუტურობთ,არ ჯობდა თავშივე გაგერკვიათ ყველაფერი(ვისთან მიდიოდით,რა პროფილის გადაცემაში და ა.შ) და ისე მიგეღოთ გადაწყვეტლება? სრული არაპროფესიონალიზმი...

ძუკუ   (25.11.2020)
ცოტა რომ პოლიტიკური ყოფილიყავით მასე არ ჩაიჯვავდით, ამ ქვეყნის შვილები არა ხართ თქვე კაი ხალხო.

1234   (24.11.2020)
მეორე მხარეა, ამ უვიცმა წამყვანმა ქალაქური მუსიკა მდაბიო ხარისხის მუსიკის კონტექსტით გამოიყენა. არადა ქართულ ფოლკლორთან ერთად ქალაქური მუსიკა არის ქართული კულტურის ყველაზე ორიგინალური და უნიკალური შემადგენელი. პირველ რიგში ეგ პოლიტიკური წარმოდგენა ამ დამსახურებული ანსაბლის შეურაცხყოფა იყო. რას წარმოაგენს ეს ქალბატონი რომ ამ ანსამბლს ასე შეურაცხყოფს? რა გაუკეთებია ცხოვრებაში?


Copyright © 2006-2021 by Resonance ltd. . All rights reserved
×