რეზონანსი
22.11.2020

რუსთავში, მე-12 მიკრორაიონში, საკუთარ საცხოვრებელ ბინაში მამაკაცი გარდაიცვალა, მისი მეუღლე კი მძიმე მდგომარეობაში კლინიკაშია გადაყვანილი.

როგორც ცოლ-ქმრის მეზობლები ვარაუდობენ, შესაძლოა კაცი კორონავირუსით იყო ინფიცირებული და კოვიდ-19 აქვს ქალსაც, რომელიც ახლა მკურნალობას კლინიკა "რუსთავში" გადის.

"ინფო რუსთავს" მე-12 მიკრორაიონის მცხოვრები ქეთევან გიორგაძე უყვება, რომ ცოლ-ქმარს რამდენიმე დღის განმავლობაში ვირუსისთვის დამახასიათებელი სიმპტომები აღენიშნებოდა. 

"10 დღეა ეს ადამიანები არიან ცუდად. ქალს ჰქონდა სიცხე და ყელის ტკივილი. მერე ამას აღარ ჰქონდა სიცხე და მითხრა ჩემს მეუღლეს აქვსო, 39.7 უფიქსირდება და ვერ ვუგდებთ ტემპერატურასო. ეს გაგრძელდა მთელი შვიდი დღე. ყოველდღე რეკავდა და შველას ითხოვდა. მოვიდა სასწრაფო, გადაიყვანეს, გაუკეთეს ტესტირება და არ არის კოვიდიო უთხრეს. ამის შემდეგ ერთი დღე გავიდა და გარდაიცვალა ეს მამაკაცი. ეს ქალბატონი კი სასუნთქ აპარატზე ჰყავთ შეერთებული ახლა. ბოლოს რომ დავურეკე მითხრა, უკვე იმდენად მძიმედ ვარ შეიძლება ვეღარ გიპასუხოო", - აცხადებს ქეთევან გიორგაძე. 

მეზობლები კორპუსის დეზინფიცირებაში დახმარებას ითხოვენ და აცხადებენ, რომ გარეთ გამოსვლა მათთვის საშიშია.

"ვითხოვთ დეზინფექციას. ჩემს სართულს მე ვუვლი, მაგრამ აქ თუ კოვიდი დაფიქსირდა, ამას სხვანაირი მიხედვა სჭირდება, რასაც ჩვენ ვერ შევძლებთ. რამენაირად უნდა დაგვეხმარონ", - განაცხადა ქეთევან გიორგაძემ.

"ინფო რუსთავის" ინფორმაციით, გარდაცვლილი მამაკაცი 65 წლამდე იყო, მისი მეუღლე კი 55 წლისაა.

წყარო: "ინფო რუსთავის"

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
დატოვე კომენტარიკომენტარები (1)
ჩაწერა სახელი
Lili   (22.11.2020)
Gushin dilit darekili kovidit inpisirebuli iyo dzalian sudat veghar sunkavda axalgazrda bichi ixrchoboda nutu dalian mdzime avadmyoptan ar unda mivides droze saswarapo ar mosulan gavida ise dghe.sherchevitoba ar moaxdinot


Copyright © 2006-2020 by Resonance ltd. . All rights reserved
×